Rúmenskar F-16 orrustuþotur skutu niður tvo dróna sem flugu yfir Svartahafi innan rúmenskrar landhelgi í gær. Þetta hefur þýski fréttamiðillinn Deutsche Welle eftir rúmenska varnarmálaráðuneytinu.
Engar upplýsingar hafa verið gefnar út um uppruna drónanna en sennilegt þykir að þeir séu rússneskir. Rúmenía deilir 614 kílómetra löngum landamærum með Úkraínu og hafa yfirvöld reglulega orðið vör við rússneska dróna frá upphafi innrásarinnar í Úkraínu.
23 sjómanna saknað
Ekki er langt síðan drónar ollu tjóni á Svartahafi en á fimmtudaginn var gerð atlaga að tveimur efnaflutningaskipum innan rúmensku lögsögunnar með þeim afleiðingum að eldur braust út. Sjö manns er enn þá saknað eftir árásina.
Á síðustu tíu dögum hafa fimm flutningaskip orðið fyrir drónaárásum undan ströndum Rúmeníu og er að minnsta kosti 23 sjómanna er saknað.
