Hvað gerir maður við allt draslið sem maður erfir frá afa og ömmu að þeim liðnum? Svarið er ein­falt: ann­að­hvort fer maður með það í Sorpu eða maður gerir sviðs­lista­verk úr því! Syst­urnar Olga Sonja Thoraren­sen og Salóme Sól Norð­kvist völdu síð­ar­nefnda kost­inn og í til­raun til þess að gera upp fjöl­skyldu­sögu sína og skilja ástæður þess að amma þeirra safn­aði yfir 200 postu­líns­styttum af púðlu­hundum, hafa þær samið sviðs­lista­verkið Púðlu­safnið sem var frum­sýnt í Tjarn­ar­bíói síð­ast­liðna helgi.

Valin kona í hverju rúmi

Að sýn­ing­unni kemur ein­vala­lið sviðs­lista­kvenna en athygli vekur að ein­ungis konur koma að gerð Púðlu­safns­ins. Leik­stjórar eru Kara Hergils Valdi­mars­dóttir og Andrea Elín Vil­hjálms­dóttir. Kara hefur hingað til aðal­lega starfað sem pródúsent í sjálf­stæðu sviðs­lista­sen­unni og sýnir nú á sér nýja hlið sem leik­stjóri en Andrea Elín hefur komið víða við bæði í stofn­ana­leik­hús­unum og sjálf­stæðu sen­unni. Ásrún Magn­ús­dóttir, sem hefur gert garð­inn frægan …