Snýr aftur eftir 1,1 milljón ára - MBL.IS

„Það er líka hálfógnvænlegt hvað það er að koma mikið af nýjum lífverum inn í lífríki okkar.“ Hún segir það hafa færst í vöxt en þegar blaðamaður sló fyrst á þráðinn til hennar var hún einmitt að vakta svonefnda svartserki, sniglategund sem á sér náttúruleg heimkynni í Kyrrahafi en fannst við Ísland árið 2020 og hefur breiðst hratt út síðan.

Þörf á vöktun og skýrri reglugerð

Svanhildur segir þessar sniglategundir geta haft töluverð áhrif á lífríkið. „Fjörudoppa er öflug þörungaæta og étur þörunga sem geta bundið set, þannig að hún getur haft áhrif á fjörugerð. Hún getur líka haft töluverð áhrif á aðrar lífverur og veitt öðrum þörungaætum samkeppni.“

Þótt ekki sé hægt að fullyrða það eru góðar líkur á því að svona lífverur berist hingað með kjölvatni skipa en að sögn Svanhildar þyrfti að vera mun öflugri vöktun á nýjum lífverum og skýrari reglugerð.

„Á Nýja-Sjálandi eru skip til dæmis hreinsuð áður en þau koma í hafnir. Þar er virkilega fylgst með því að það sé ekki eitthvað að berast með þeim,“ segir hún. „Það er vonandi að við förum að taka okkur á í þessum málum.“

Fjörudoppan er náskyld klettadoppu og þangdoppu sem eru algengar á Íslandi en töluvert minni. Ljósmynd/Svanhildur Egilsdóttir