Okkar borg ætlar ekki að flæma múslima úr landi

„Ég ætla að leiðrétta þig með spurninguna,“ sagði Baldur Borgþórsson, annar maður á lista Okkar Borgar, sem mætti fyrir hönd oddvita framboðsins, Sigfúsar Aðalsteinssonar, í oddvitaspjall Pressunnar í Tjarnarbíói í gær. Umdeilt myndband hefur farið á flug á samfélagsmiðlum og greint frá því á vef Mannlífs, þar sem Sigfús sagði eftirfarandi á fundi þjóðernissinna í Ölveri: „Ég hætti ekki þessari baráttu fyrr en ég sé það að ég er búinn að flæma þessa múslima í burtu.“

Baldur var spurður um ummælin og gerði athugasemd við að blaðamaður hefði eftir Sigfúsi að hann ætlaði að flæma alla múslima í burtu. Hið rétta er að Sigfús sagðist ekki ætla að hætta baráttunni fyrr en hann væri búinn að flæma „þessa“ múslima úr landi og gerði Baldur athugasemd við orðalag blaðamanns. Baldur sagði jafnframt skorta samhengi þegar ummælin væru skoðuð.

„Þetta er klippt myndband sem um …