Tónlistarmaðurinn og skáldið Megas er látinn, 81 árs að aldri. Með honum hverfur einn áhrifamesti og umdeildasti listamaður Íslandssögunnar, en hann markaði djúp spor í íslenska tónlist og bókmenntum með verkum sínum og óhefðbundnum textum.
Megas, sem hét fullu nafni Magnús Þór Jónsson, hóf feril sinn seint á sjöunda áratugnum og varð fljótt einn af frumlegustu lagahöfundum landsins. Meðal þekktustu laga hans eru Í blóði og holdi, Paradísarfuglinn, Orfeus og Evridís og Vertu mér samferða inn í blómalandið, amma. Hann vann síðar með hljómsveitum á borð við Spilverk þjóðanna og síðar SúEllen, auk fjölda annarra tónlistarmanna.
Í tilefni af andláti hans rifjast upp einn umdeildasti sjónvarpsþáttur íslenskrar menningarsögu.
Þátturinn var tekinn upp síðari hluta árs 1974 þar sem Megas kom fram ásamt Böðvari Guðmundssyni og Erni Bjarnasyni sem fulltrúar íslenskra trúbadora. Megas var með lepp fyrir öðru auganu eftir að hafa skrámast, mynd sem margir tengja enn við hann.
Þátturinn var þó aldrei sýndur á sínum tíma. Útvarpsráð stöðvaði útsendinguna þar sem talið var að texti lagsins „Vertu mér samferða inn í blómalandið, amma“ gæti sært trúartilfinningar. Af þeim sökum hefur þátturinn lengi verið nefndur „bannfærði þátturinn“.
Það var ekki fyrr en 17. júní 2001, tæpum 27 árum síðar, sem RÚV sýndi þáttinn loks í heild sinni.
Nútíminn birtir myndbandið hér að neðan svo lesendur geti séð þennan sögufræga þátt sem sat á hillunni í áratugi.
