Bandaríski öldungadeildarþingmaðurinn Lindsey Graham er látinn eftir skammvinn veikindi. Graham lést í gærkvöld, 71 árs að aldri.
„Fjölskylda öldungadeildarþingmannsins Grahams kann að meta bænir en biður um næði á þessum afar erfiðu tímum,“ segir í tilkynningu sem send var frá skrifstofu Grahams.
Graham var kjörinn öldungadeildarþingmaður Suður-Karólínu 2002. Hann var einn af áhrifamestu stjórnmálamönnum í Washington á sviði utanríkisstefnu og öryggis- og varnarmála og einn af helstu bandamönnum Donalds Trumps Bandaríkjaforseta. Graham var auk þess formaður fjárlaganefndar öldungadeildarinnar.
Öldungadeildarþingmaðurinn var nýsnúinn aftur til Bandaríkjanna frá Kænugarði. Þar átti hann fund með Volodymyr Zelensky forseta Úkraínu á föstudag.
Trump vottaði Graham virðingu sína með færslu á Truth Social. Þar sagði hann Graham vera eina bestu manneskju sem hann hefði kynnst. Hans yrði sárlega saknað.
Ríkisstjóri Suður-Karólínu mun skipa næsta öldungadeildarþingmann ríkisins.
