Skjálfti að stærðinni 6,1 varð á japönsku eyjunni Hokkaido í kvöld eða klukkan 05:30 að morgni í Japan. Ekki hafa borist fregnir af því hvort fólk hafi slasast en skemmdir af völdum skjálftans eru sagðar minniháttar.
Skjálftinn varð 18 kílómetra vestur af bænum Sarabetsu á Hokkaido-eyju á um 80 kílómetra dýpi samkvæmt japönsku veðurstofunni og Jarðfræðistofnun Bandaríkjanna. Ekki hefur verið gefin út flóðbylgjuviðvörun vegna skjálftans.
Jarðskjálftar eru tíðir í Japan og að jafnaði eru allt að 1.500 jarðskjálftar á ári í Japan, sem er um 18% allra jarðskjálfta í heiminum.
