Matvælastofnun varar við hveiti vegna myglueiturs sem er yfir mörkum. Hveitið er allt frá sama framleiðandanum, danska fyrirtækinu Valsemöllen A/S. Það hefur verið flutt inn og selt undir þremur vörumerkjum. Þau eru Kornax, First Price og Euroshopper.
Innköllunin snýr að hveiti sem er með best fyrir dagsetningar í september.
Kornax hefur dreift hveiti í allar helstu matvöruverslanir landsins. Fyrirtækið innkallar Kornax-hveiti í rauðum og bláum tveggja kílóa umbúðum og tveggja kílóa heilhveiti. Allar eru þær með best fyrir dagsetningar 15-09-2026 og hveitið best fyrir dagsetninguna 29-09-2026.
Hveiti í tveggja kílóa First Price-pakkningum með best fyrir dagsetningar 01.09.2026 og 15.09.2026 hafa verið innkallaðar úr verslunum Krónunnar.
Tveggja kílóa pakkningum af hveiti undir merkjum Euroshopper hefur verið dreift í allar verslanir Bónuss og Hagkaupa, Stórkaupa og í verslanir Olís í Neskaupstað, Varmahlíð, við Gullinbrú og í Norðlingaholti. Pakkningar með best fyrir dagsetningunni 15-0-2026.