Héraðsdómur Reykjavíkur hefur veitt Landsvirkjun virkjunarleyfi fyrir Hvammsvirkjun í Þjórsá. Þetta er í annað sinn sem virkjunarleyfi Hvammsvirkjunar ratar til dómstóla. Fyrra virkjunarleyfið var ógilt í Hæstarétti í fyrrasumar, en í kjölfarið var nýtt leyfi gefið út á grundvelli breyttra laga.
Úrskurðarnefnd umhverfis- og auðlindamála féllst á kröfu landeigenda og ábúenda jarða á bökkum Þjórsár og stöðvaði framkvæmdir við Hvammsvirkjun í maí í fyrra. Í kjölfarið veitti Umhverfis- og orkustofnun Landsvirkjun virkjunarleyfi til bráðabirgða vegna undirbúningsframkvæmda við Hvammsvirkjun 11. ágúst í fyrra. Leyfið átti að gilda í sex mánuði.
Sif Konráðsdóttir, lögmaður landeigenda, segir að dómnum verði líklega áfrýjað.
„Í þessum áfanga málsins hafnaði dómurinn kröfu íslenska ríkisins og Landsvirkjunar um að vísa frá kröfu landeigenda um að ógilda úrskurð úrskurðarnefndar frá 2018 sem varðaði umhverfismatið, sýknaði íslenska ríkið af kröfu um að ógilda virkjanaleyfi og felldi niður málskostnað. Landeigendur munu líklega áfrýja,“ segir Sif.
Fréttin hefur verið uppfærð. Áður stóð að hún varðaði Hvammsá. Rétt er að fréttin varðar virkjunarleyfi Hvammsvirkjunar í Þjórsá.
