Undanfarna daga hafa hitamet verið slegin í Bretlandi. Á mánudaginn mældist hitinn 34, gráðurur í Kew Gardens en þar hafði slíkur hiti ekki mælst í maí síðan árið 1944. Hitinn var svo enn meiri í gær þegar hann mældist 35 gráður á sama stað. Heilbrigðisöryggisstofnun Bretlands hefur gefið út viðvaranir vegna hita á stórum hluta Englands en þær eru í gildi fram á fimmtudag. Ebba Magnúsdóttir er nú stödd í Lundúnum ásamt vinum sínum en á mánudaginn lenti hún í óskemmtilegri reynslu vegna hitabylgjunnar.
Hún var þá stödd í skemmtigarðinum Thrope Park og ákvað að skella sér í stærsta rússíbanann sem stendur þar til boða. Um er að ræða rússíbana sem kallast Hyperia og er um 72 metrar á hæð þar sem hann er hæstur. Þar sat Ebba föst í tæpa klukkustund þegar rússíbaninn bilaði vegna hitans.
Ebba segir í samtali við DV að um óskemmtilega lífsreynslu hafi verið að ræða og eru hún og ferðafélagarnir töluvert sólbrunnin eftir að hafa setið föst í um 72 metra hæð, í steikjandi sólskini í tæpa klukkustund.
Two rides at Thorpe Park, including the brand new Hyperia, broke down at the same time yesterday on the hottest Bank Holiday Monday on record.
Riders were left stranded 200 feet up at the apex of Hyperia for around 30 minutes in 33°C heat, before the ride was eventually… pic.twitter.com/iUSNNiF9AX
— UB1UB2 West London (Southall) (@UB1UB2) May 26, 2026
Samkvæmt breskum miðlum tók um hálftíma að greiða úr biluninni og koma rússíbanafarþegunum aftur til jarðar. Ebba segir þó að í raun hafi þetta verið um 50 mínútur en hún tók tímann á úri sínu. Upplýsingagjöf fyrir hópinn sem sat fastur í Hyperia var af skornum skammti. Ítrekað var tilkynnt að vagninn væri að fara af stað aftur en svo gekk það ekki eftir.
„Þetta var ekki gott. Við erum alveg vel sólbrennd og vorum með höfuðverk og svima þegar við komum niður.“
Skemmtigarðurinn ákvað að veita hópnum sárabætur og var þeim boðin aðstoð og fengu auk þess vatn og sérstaka „fastpass“-miða í garðinn sem tryggja forgang í biðröðum.
Sólbrunann má sjá á myndbandi sem Edda hefur deilt á TikTok en að sögn Ebbu er hljóðið gott í hópnum sem mun áfram njóta ferðarinnar.
@aan0nym0use Já ég notaði sólarvörn 🧴 #thorpepark #hyperia #heatwave ♬ Our Love Was Beautiful – Instrumental Version – Straight White Teeth
Þetta er ekki í fyrsta sinn sem Hyperia bilar. Rússíbaninn fór jómfrúarferð sína í maí árið 2024 en aðeins degi síðar kom upp bilun. Um hálfan mánuð tók að greiða úr biluninni en rússíbaninn var aftur opnaður gestum þann 12. júní og bilaði svo aftur tveimur dögum síðar en þá sátu farþegar rússíbanans fastir í klukkustund.
