Kínverska sendiráðið á Íslandi hefur tilkynnt um fyrsta beina flug á milli Íslands og Kína.

Air China sér um flugið en það fyrsta verður 26. október frá Keflavíkurflugvelli til Beijing.

„Hvílíkur árangur í tvíhliða samskiptum!“ segir í færslu sendiráðsins á Facebook. „Þetta mun gjörbreyta ferðalögum á milli Kína og Íslands sem og á milli Asíu og Evrópu!“

He Rulong, sendiherra Kína á Íslandi, hefur lengi talað fyrir beinu flugi á milli landanna, en í júní heimsóttu fulltrúar Air China Ísland til að skoða möguleikann.

Miðasala hefur verið opnuð og mögulegt er að bóka miða í gegnum vefsíðu Air China.