Bandaríska dómsmálaráðuneytið undirbýr ákæru á hendur Raul Castro, fyrrverandi leiðtoga Kúbu.
Sérstakur ákærudómstóll tekur ákvörðun um hvort Castro, sem er 94 ára, verður sóttur til saka. CBS hefur eftir bandarískum embættismönnum að ákæran tengist því þegar kúbverskar herþotur skutu árið 1996 niður tvær óvopnaðar einkaflugvélar í alþjóðlegri lofthelgi á vegum samtaka útlaga og aðgerðasinna með aðsetur í Miami á Flórída.
Fjórir fórust í árásinni, þrír bandarískir ríkisborgarar og Kúbverji með dvalarleyfi í Bandaríkjunum. Raul Castro fór fyrir byltingu kommúnista á Kúbu undir stjórn Fidels bróður síns og var forseti frá 2006 til 2018.
