Eftir tæpan áratug af deilum og dómsmálum virðist loksins vera að draga til tíðinda í langri skilnaðarsögu Brad Pitt og Angelinu Jolie. Þegar tvíburarnir þeirra, Knox og Vivienne, verða 18 ára í júlí næstkomandi lýkur síðasta kaflanum í forræðisdeilu milli fyrrverandi hjónanna.
Brad og Angelina, sem eitt sinn voru eitt valdamesta stjörnupar Hollywood, skildu árið 2016. Í kjölfarið fylgdu áralangar deilur um forræði barna þeirra og síðar einnig um sameiginlegar eignir, þar á meðal vínekruna Château Miraval í Frakklandi.
Samband Brad við börnin hefur mikið verið í umræðunni undanfarin ár. Dóttirin Shiloh vakti athygli á síðasta ári þegar hún óskaði eftir því að fella eftirnafn föður síns niður. Zahara hefur sömuleiðis kynnt sig opinberlega án eftirnafnsins Pitt og samkvæmt nýlegum fréttum hefur elsti sonurinn Maddox einnig viljað fjarlægja það úr sínu nafni.
Þegar yngstu börn þeirra verða lögráða í sumar lýkur hins vegar síðustu formlegu tengslunum sem eftir standa frá hjónabandinu. Þann 12. júlí verður því endanlega punktur settur við einn umtalaðasta skilnaðinn í Hollywood.
Stjörnufréttir Evu Ruzu eru í samvinnu við Extra og Sjónvarp Símans!
