Donald Trump Bandaríkjaforseti segir vopnahléi við Íran lokið. Hann sagði samninganefndir ríkjanna geta rætt saman en að þær sói tíma sínum með viðræðunum.
„Hvað mig varðar er þessu lokið. Það er tímasóun að eiga við þá, þeir eru lygarar,“ sagði Trump á blaðamannafundi í aðdraganda fundar Atlantshafsbandalagsríkja í Ankara í Tyrklandi sem hefst innan skamms.
Bandaríkin gerðu loftárásir á Íran í gærkvöld, að sögn í hefndarskyni fyrir árás á flutningaskip við Hormússund. Íranar svöruðu fyrir sig með árásum á Kúveit og Barein.
Á sama blaðamannafundi sagðist Trump mjög ósáttur við Atlantshafsbandalagið og hótaði því að hætta öllum viðskiptum við Spán. Bandaríkin og Spánn hafa átt í deilum vegna hernaðarútgjalda Spánar, og vegna þess að Spánn neitaði að aðstoða Bandaríkin í stríðinu við Íran.
Fréttin hefur verið uppfærð.
