Þetta verður í fyrsta sinn sem herinn tekur mann af lífi með aftökusveit frá lokum seinni heimsstyrjaldarinnar.
Hasan skaut þrettán óvopnaða hermenn til bana í Fort Hood-herstöðinni í Texas árið 2009. Hann særði 32 til viðbótar áður en hann var særður af öðrum hermönnum.
Hasan var sálfræðingur fyrir herinn og gekk hann inn í heilsugæslustöð herstöðvarinnar þar sem fjölmargir hermenn biðu í röð eftir því að fá bólusetningar og læknisskoðun fyrir ferð til Afganistan. Þar kallaði hann „Allahu akbar“ eða „Guð er mikill“ og hóf skothríð á hermennina.
Við réttarhöldin gegn honum kom fram að hann hafði undirbúð árásina í nokkrar vikur. Hann hafði meðal annars farið á námskeið þar sem hann lærði að skipta hratt um magasín í skammbyssu sem hann keypti sérstaklega fyrir árásina.
Við réttarhöldin gegn honum sagðist hann vilja koma í veg fyrir að hermennirnir sem hann skaut færu til Afganistan og dræpu þar múslima.
Hegseth sagði frá því fyrr í vikunni að Donald Trump forseti hefði samþykkt beiðni hans um að Hasan yrði tekinn af lífi með aftökusveit. Aftakan mun fara fram þann 3. desember í Fort Hood.
Sjá einnig: Fyrsta aftakan með aftökusveit frá stríðslokum
Hasan er lamaður fyrir neðan mitti og notast við hjólastól.
Hegseth var spurður út í aftökuna um borð í flugmóðurskipinu USS Abraham Lincoln, þegar skipið kom til hafnar í San Diego, eftir að hafa tekið þátt í stríðinu gegn Íran.
Þá sagði ráðherrann að Hasan yrði skotinn til bana eins og réttlætt væri og fór hann hörðum orðum um Hasan sem öfgamann.
„Við munum ganga úr skugga um að fólk muni geta horft á það. Að þetta verði opinbert.“
Hegseth sagði það mikilvægt til að sýna fólki að árásir eins og sú sem Hasan gerði hefðu alvarlegar afleiðingar.
Secretary Hegseth was asked about the execution of Nidal Hasan: "No-brainer—execution by firing squad... Of course we're doing it at Fort Hood. We're going to do it at 1 o'clock—which is when he did it. It's going to be soldiers with rifles executing the firing squad."
— DOW Rapid Response (@DOWResponse) October 8, 2026
Eftir ummæli Hegseths höfðu fjölmiðlar vestanhafs samband við talsmenn varnarmálaráðuneytisins sem staðfestu að streymt yrði frá aftökunni. Frekari upplýsingar yrðu veittar síðar.
Eins og áður segir er þetta í fyrsta sinn frá því í seinni heimsstyrjöldinni sem herinn tekur mann af lífi með aftökusveit. Herinn tók síðast mann af lífi þann 13. apríl 1961. Þá var hermaður sem hét John Bennett hengdur.
Hegseth var svo spurður hvort að Hasan hefði lagt fram einhverskonar lokabeiðni eða reynt að hafa samband við Trump, svo hann vissi til.
„Mér er alveg sama. Við munum sjá hann þann 3. desember.“
.@JackPosobiec "Has Major Hasan made any final request, reached out to the President, or anything like that?" @SECWAR "DON'T CARE. We'll see him on December 3rd."
— DOW Rapid Response (@DOWResponse) October 8, 2026
