Á tilfinningaþrunginni stund á blaðamannafundi á fimmtudag gáfu geimfararnir frá Artemis II innsýn í fyrstu hugsanir sínar eftir að hafa snúið aftur til jarðar eftir sögulegan leiðangur sinn umhverfis tunglið.
Eftir lendinguna voru fjórir áhafnarmeðlimirnir fluttir um borð í bandarískt sjóherskip til læknisskoðunar og þótt geimfarinnn Reid Wiseman hafi ekki talið sig ekki trúaðan, bað hann um að fá að hitta sjóherprestinn.
Vildi hitta prestinn
„Ég er ekki í raun trúaður maður, en það var engin önnur leið fyrir mig til að útskýra hvað ég lenti í svo ég bað bara sjóherprestinn um að koma í heimsókn til okkar í smá stund,“ sagði Wiseman.
„Þegar presturinn gekk inn og ég hafði aldrei hitt hann áður á ævinni, sá krossinn á kraganum hans og ég brast bara í grát,“ sagði Wiseman á blaðamannafundi NASA í Houston. „Það er mjög erfitt að skilja til fulls hvað ég var að ganga í gegnum.“
Geimfarinn segir að ferðin til tunglsins hafi valdið andlegri vakningu og hugurinn hafi leitað í átt að Frelsaranum Jesús Krist.
Síðan áhöfnin kom heim hefur hún verið inn og út úr aðstöðunni við prófanir og hefur ekki enn haft tækifæri til að „slaka á“ eða hugleiða leiðangurinn í heild sinni.
„Sólin myrkvaðist á bak við tunglið,“ sagði Wiseman. „Ég sneri mér að Victor og sagði að ég held ekki að mannkynið hafi þróast svo mikið að það geti skilið það sem við erum að horfa á núna, því það var ójarðneskt og ótrúlegt.“
Victor Glover, flugmaður áhafnar Artemis II, svaraði: „Það eina sem ég vil bæta við er að ég er trúaður maður, en öll önnur upplifun er sú sama.“
Átakanleg stund
„Ég hef ekki eytt miklum tíma í að vinna úr öllu þessu. Ég verð að segja að þetta var bara mjög átakanleg stund, því við höfðum aldrei séð eða fundið fyrir þessu áður. Allt var mikilvægt, hvert hljóð, hver vélbúnaður,“ sagði kristni geimfarinn.
Eldflaug NASA og Orion geimflaugin fóru í farsæla ferð, en spennan jókst á lokasprettinum fyrir Glover, Wiseman, Christinu Koch og kanadíska geimfarann Jeremy Hansen, þar sem geimfarið varð fyrir vandamálum með hitaskildi.
Glover sagði frá augnablikunum þegar þau komu aftur út í andrúmsloftið: „Ég gat séð að við vorum inn í eldhnetti,“ sagði hann og hugsaði: „Á þetta að vera svona stórt?“
Koch sagði: „Ég var alveg búin á því þegar lúgan opnaðist loksins eftir lendingu í vatninu.“
Aðspurður um þá stund sem hann komst að því að einn gígur á tunglinu ætti að vera nefndur eftir látinni eiginkonu hans, sagði Reid Wiseman: „Mér fannst þetta vera það fallegasta sem ég hafði heyrt á ævinni. Hún var ótrúleg manneskja og hún er móðir tveggja dætra minna. Og hvaða maður á þessari plánetu á skilið gjöf eins og þessa – að áhöfnin þín sé svona hugulsöm og geri eitthvað svona umhyggjusamt og djúpt er svo þýðingarmikið.“
Áhöfn Artemis II snýr aftur sem lifandi saga, eftir að hafa ferðast lengra frá jörðinni en nokkur manneskja á undan þeim. Þau sáu hina hlið tunglsins og urðu vitni að sólmyrkva frá himninum – afrek sem áður voru talin ómöguleg. En eftir að hafa komist á fjarlægustu slóðir mannlegs ferðalags, var fyrsta eðlishvöt þeirra að leita til hins Guðdómlega.
Búist er við að geimfarinn tjái sig meir um upplifun sína og andlegu vakninguna þegar fram líða stundir.
