Íranar saka Bandaríkjamenn um grimmd eftir að rýma þurfti sjúkrahús vegna árásanna.
Sjúkrahúsið er í suðvesturhluta landsins og er sérhæft í krabbameinsmeðferð fyrir börn. Esmaeil Baqaei talsmaður íranska utanríkisráðuneytisins sagði í færslu á X að yfir 200 manns sem voru þar í lyfjameðferð hafi þurft að flýja sjúkrahúsið.
„Þessar árásir, sem minna á grimmdarverk Ísraelsmanna gegn heilbrigðisþjónustu, ollu miklum þjáningum og skelfingu meðal barna á spítalanum,“ sagði hann í færslunni.
Talsmaður íranska þingsins, sem jafnframt er aðalsamningamaður Írans, sagði í morgun að á meðan Íranar högnuðust ekki á viljayfirlýsingunni við Bandaríkin væri engin ástæða til að standa við hana. Hann sagði þó að meðfram því að verjast árásunum yrðu samningaviðræður reyndar sem þjónustu hagsmuni landsins.
Donald Trump sagði í gærkvöldi að það kæmi í ljós hvort yrði samið við Írana eða gert út af við þá. Íranar vilji ólmir semja.
