AFP hefur sent frétta­menn, ljós­mynd­ara og mynd­bands­frétta­menn til borga víðs vegar um Frakk­land til að fylgj­ast með fjöl­mennum mót­mælum vegna hækk­andi fram­færslu­kostn­aðar sem búist er við um allt land í dag.

Hér er yfir­lit yfir það sem þau hafa séð á meðan lög­regla og örygg­is­sveitir reyna að koma í veg fyrir end­ur­tekn­ingu á ofbeldi, íkveikjum og ránum, sem urðu í tengslum við sam­bæri­leg mót­mæli um síð­ustu helgi.

„Enn opið“

Nálægt Bastillu­hverf­inu í París hafði öllum vörum verið komið úr hillum fata­versl­unar fyrir mót­mælin. Nálægur veit­inga­staður hafði verið byrgður fyrir með plötum en skilti á honum sögðu að hann væri „enn opinn“. Víða ann­ars staðar í höf­uð­borg­inni höfðu versl­un­ar­eig­endur einnig sett tré­plötur fyrir glugga.

Mikið lög­reglu­lið var á Bastillu­torgi, ásamt fjölda blaða­manna, en fáir mót­mæl­endur sáust þar. Lögregla til­kynnti fólki í gjall­ar­horni að mót­mæli væru bönnuð á svæð­inu og bað mót­mæl­endur að fara „taf­ar­laust“ að annarri göngu­leið …