Íslenski lagerstjórinn sem kemur fram í hverri stórmyndinni á fætur annarri

Það eru margar stjörnur og kunnugleg andlit í kvikmyndinni Brink of War sem er nú í sýningum í kvikmyndahúsum landsins. Eitt kunnuglegu andlitanna er Magnús Tindri Sigurðsson sem finna má í bakgrunninum á hverri stórmyndinni á fætur annarri, hann er ólíkleg kvikmyndastjarna þar sem hann hefur aldrei stigið fæti inn í leiklistarskóla og er í fullri vinnu sem lagerstjóri samhliða rólegu fjölskyldulífi, auk þess sem hann missir næstum aldrei af leik með Newcastle United.