BBC greinir frá sakfellingunni en koma mun í ljós hver refsing Brand verður á mánudag. Brand, sem er 51 árs, var ákærður fyrir þrjár nauðganir, þrjú kynferðisbrot og fyrir tilraun til blygðunarsemisbrots.
Ásakanirnar ná yfir tímabilið 1999 til 2009 og vörðuðu sex konur. Þær eiga allar rétt á nafnleynd ævilangt að því er fram kemur í frétt BBC.
Sagðist hálfviti en ekki nauðgari
Justice Bennathan, dómari í málinu, sagði Brand að setjast niður eftir að dómur var upp kveðinn. Hann sagði málið hafa verið vel unnið að saksóknara og refsing yrði kveðin upp á mánudag. Þangað til yrði grínistinn í varðhaldi.
Brand var ákærður fyrir að hafa nauðgað konu í Bournemouth árið 1999, fyrir að hafa ráðist kynferðislega á konu í Westminster í Lundúnum árið 2001 og fyrir að hafa nauðgað konu í sama hverfi árið 2004. Þá var hann ákærður fyrir að hafa ráðist kynferðislega á konu í Lundúnum á árunum 2004 og 2005.
Brand neitaði sök í öllum málum. Hann hefur í umræðu um málin lýst sér sem hálvita, eiturlyfja- og kynlífsfíkli, en að hann væri alls ekki nauðgari. Hann væri þakklátur að geta fengið að verja sig í réttarhöldum. Þeim réttarhöldum lýkur formlega með uppkvaðningu refsingar eftir helgi.
Tvær konur til viðbótar saka Brand um nauðgun
Fram kemur á vef BBC að Brand sé til rannsóknar vegna ásakana tveggja kvenna til viðbótar um að hann hafi nauðgað þeim. Brand mun hafa verið yfirheyrður hjá lögreglu vegna þeirra ásakana og er rannsóknin enn í gangi.
