Hægrisinnaði öldungadeildarþingmaðurinn Flavio Bolsonaro fékk óvænt flest atkvæði í kosningunum á sunnudag og fór þar með fram úr Luiz Inacio Lula da Silva forseta. Hvorugur fékk hreinan meirihluta og því verður kosið að nýju eftir þrjár vikur.

Úrslitin voru á skjön við skoðanakannanir, sem höfðu sýnt Lula með forskot. Flavio Bolsonaro fékk 47 prósent atkvæða en sitjandi forseti 45 prósent.

Sigri Bolsonaro í kosningunum 25. október bætist Brasilía, stórveldi Suður-Ameríku, í hóp ríkja á svæðinu þar sem hægrimenn hafa sótt fram í undanförnum kosningum. Donald Trump Bandaríkjaforseti hefur fagnað þeirri þróun.

Hægrimenn unnu einnig stórsigra í þingkosningunum. Úrslitin eru mikið áfall fyrir Lula, sem verður brátt 81 árs og sækist eftir fjórða kjörtímabilinu til að festa árangur sinn í sessi.

„Ég viðurkenni að ég var sannfærður um að ég myndi vinna í fyrri umferð. Leikurinn er rétt að byrja. Í framlengingunni munum við vinna brasilísku þjóðina á okkar band,“ …