Fjallað er um veðrið og störf björgunarsveita í hádegisfréttum Bylgjunnar á slaginu tólf.
Mikill fjöldi ferðamanna og viðbrögð við alvarlegum slysum auka álag á Heilbrigðisstofnun Suðurlands, að sögn forstjóra hennar. Forstjórar sex heilbrigðisstofnana á landsbyggðinni áætla að samanlagður halli þeirra geti orðið um fimm milljarðar króna í ár ef viðbótarfé fæst ekki.
Rússneskir erindrekar sem ræddu við erindreka frá Úkraínu og Bandaríkjunum í Sameinuðu furstadæmunum í vikunni, kröfðust þess að ríkjum Austur-Evrópu yrði vísað úr Atlantshafsbandalaginu.
Búið er að leyfa flugferðir á ný yfir Bandaríkjunum eftir að allt flug var stöðvað í nótt. Búist er við því að miklar tafir verði í dag á meðan flugfélög koma sér aftur af stað.
Einn sigursælasti þjálfari íslenskrar knattspyrnu, Guðjón Þórðarson, féll frá í fyrrinótt 71 árs að aldri. Guðjón hafði verið að glíma við erfið veikindi síðustu ár en hann greindist með Parkinson taugasjúkdóminn árið 2023.
Bæjarstjóri Vesturbyggðar segir að bæta þurfi vetrarþjónustu til muna í sveitarfélaginu. Nemendur komist ekki heim til sín um helgar vegna þess að þjónusta á vissum svæðum sé engin.
Í íþróttafréttum fjöllum við um leik karlalandsliðsins í knattspyrnu í gær og leik kvennalandsliðsins í körfubolta í dag.
