Rannsókn breska ríkisútvarpsins BBC sýnir að umfangsmikil starfsemi hefur myndast í kringum hælisumsóknir þar sem falskar sögur og tilbúin sönnunargögn eru notuð markvisst til að fá vernd. En ofan á sprengju BBC þar sem mönnum er hjálpað að ljúga til um samkynhneigð til að fá vernd lýsa þeir heilu kerfi þar sem ráðgjafar og milliliðir hjálpa umsækjendum að byggja upp lygar sem standast mat yfirvalda, þrátt fyrir að vera lítið minna en helberar lygar.
Falskar vefsíður og miðlar notuð til að styrkja málin
Í rannsókninni kemur fram að settur hafi verið upp fjöldi vefsíðna sem líta út eins og fréttamiðlar en eru í raun hluti af ferlinu við að búa til sönnunargögn. Þar eru birtar greinar sem fjalla um umsækjendur sjálfa og meintar ofsóknir gegn þeim í heimalandi þeirra.
Sumar greinarnar vísa í dómsmál eða ásakanir sem ekki er að finna í opinberum gögnum. Þá er efni síðanna oft tekið beint frá viðurkenndum miðlum til að gera þær trúverðugri.
Sviðsett mótmæli og tilbúnar myndir
Einnig kom í ljós að mótmæli hafa verið skipulögð sérstaklega til að taka myndir af þátttakendum. Þær myndir eru síðan lagðar fram sem sönnun fyrir pólitískri virkni í hælisumsóknum. Í sumum tilvikum voru umsækjendur sagðir hafa tekið þátt í aðgerðum sem í raun áttu sér ekki stað nema sem sviðsetning fyrir myndavélar. Rannsóknin bendir einnig til þess að umsækjendur hafi verið hvattir til að leita til læknis með upplognar kvartanir. Markmiðið var að fá skráningar sem hægt væri að nota sem sönnun í umsókn.
Þjálfun fyrir yfirheyrslur hjá yfirvöldum
Hluti af þjónustunni felst í því að undirbúa umsækjendur fyrir viðtöl hjá UK Home Office þar sem umsóknir eru metnar.
Samkvæmt frásögnum eru umsækjendur, þjálfaðir í að svara spurningum, leiðbeint um hvernig þeir eigi að hegða sér og jafnvel hvattir til að sýna tilfinningar á ákveðinn hátt. Einn umsækjandi sagði að honum hefði verið sagt að gráta í viðtali til að auka trúverðugleika, þó hann sagðist ekki geta leikið slíkt.
Skipulögð og arðbær starfsemi
Rannsóknin sýnir að um sé að ræða arðbæra starfsemi þar sem rukkað er fyrir mismunandi þjónustu, allt frá ráðgjöf til framleiðslu gagna og margir eru að maka krókinn vel á hælisleitendaiðnaðinum.
