Kótelettan sett í 16. sinn - MBL.IS

Tónlistar-, fjölskyldu- og grillhátíðin Kótelettan hófst með glæsibrag á Selfossi í gærkvöldi en þetta er í 16. sinn sem hún er haldin.

Að sögn Einars Björnssonar, skipuleggjanda hátíðarinnar, hefur undirbúningur gengið vel. Allt sé tilbúið fyrir tvö stór tónleikakvöld og fjölskyldudag, en vænta má að fjöldi gesta hlaupi á þúsundum.

„Upphitunartónleikarnir voru frábærir og það var mikil stemning í bænum. Veðurguðirnir ætla að vera okkur hliðhollir 16 árið í röð þannig við erum voðalega þakklát og spennt.“

Aron Can treður upp í kvöld. Ljósmynd/Mummi Lú

Stór tónleikakvöld

Aron Can, Jón Jónsson, Koppafeiti, Slysh og SVitabandið stigu á svið í gærkvöldi á upphitunartónleikum Kótelettunnar við mikinn fögnuð gesta.

Tónleikahald hefst klukkan 21 á Eimskipssviðinu í kvöld og munu listamenn á borð við Retro Stefson, Herra hnetusmjör, Stuðlabandið, Aron Can og GDRN halda uppi fjörinu fram á rauða nótt, en tónleikahaldi lýkur ekki fyrr en klukkan 4 um morguninn.

Laugardagurinn verður ekki síðri en þá stíga til að mynda FM95BLÖ, Páll Óskar, Birnir, Selma Björns og Papar á svið.

Jón Jónsson hélt uppi stuðinu á upphitunartónleikum Kótilettunnar í gærkvöldi. Ljósmynd/Mummi Lú

Aron Can. Ljósmynd/Mummi Lú

Jón Jónsson og hljómsveit. Ljósmynd/Mummi Lú

Hluti af hljómsveit Slysh sem steig á svið í gærkvöldi. Ljósmynd/Mummi Lú

Strákarnir í hljómsveitinni Slysh. Ljósmynd/Mummi Lú

Hljómsveitin Svitabandið á upphitunartónleikum Kótelettunar í gær. Ljósmynd/Mummi Lú