Karlarnir sem svara ekki
Helga Dögg Sverrisdóttir skrifar:
Karlarnir sem svara ekki, Magnús Þór hjá KÍ, Jón þingmaður og Runólfur formaður frisbígolfssambandins
Það er merkilegt að þegar þú hefur vondan málstað að verja þá þaggar þú málið. Rétt eins og aparnir þrír, sér ekki, heyrir ekki, talar ekki. Til að undirstrika merkinguna, einn heldur fyrir augun, annar fyrir eyrum og sá síðast fyrir munninn.
Skrifað var til þriggja karlmanna sem eiga það sameiginlegt að sitja í stöðu sinni í skjóli fulltrúa. Spurðar voru nokkrar spurningar vegna trans hugmyndafræðinnar, sem boðar ósannindi og óvsindalegar meðferðir.
Hverjir eru þetta?
- Magnús Þór Jónsson formaður Kennarasambands Íslands.
- Jón Gunnarsson þingmaður Sjálfstæðisflokksins.
- Runólfur Helgi Jónasson formaður Frisbígolfssambandsins.
Allir hafa á einn eða annan hátt tengst inn í trans hugmyndafræðina og afleiðingar hennar, sérstaklega fyrir konur og menntun barna.
Jón Gunnarsson, ásamt öðrum þingmönnum, samþykktu lög um kynrænt sjálfræði sem hafði af stúlkum og konum réttindi. Hann var spurður út í útskýringar sínar í þætti á Útvarp sögu. Röksemdin fyrir að samþykkja réttindamissi stúlkna og kvenna var ótrúleg, en hann sagði þó kynin tvö- en, ekkert svar frá honum.
Runólfur stjórnar frisbígolf íþróttasambandi sem leyfir karlmönnum, sem skilgreina sig sem konur, að keppa í kvennaflokki og hafa af konum 1. sætið og möguleika á keppni í útlöndum. Undanfarin 10 ár hefur kona ekki unnið titilinn. Hann var spurður út í málið- ekkert svar.
Magnús Þór fer fyrir kennurum sem afneitar sannleikanum þegar líffræðin er annars vegar. Hann hefur ekki svarað spurningum um hvað kynin séu mörg og hvaða æxlunarfæri þessi kyn öll hafa. En honum finnst samt mikilvægt að viðhalda lygi í skólastofunni án þess að svara fyrir málið. Og, hann styður það. Hann hvetur aðra kennara, með ályktun frá KÍ, að boða áróður í kennslustofu. Hann var spurður út í málið- ekkert svar.
Hvað veldur að þessir þrír karlmenn, sem virða ekki réttindi stúlkna og kvenna, svari ekki þegar þeir eru spurðir út í jafn mikilvæg málefni. Er þetta eðlilegt? Spyr sá sem ekki veit!
