Hrafn Margeirsson faðir ungrar stúlku sem lést af völdum Covid bólusetninga sagði frá hörmulegri lífsreynslu sem dró dóttur hans til dauða á málþingi sem haldið var fyrr í mánuðinum. Þetta er átakanleg frásögn frá hugrökkum föður.

Hrafn greinir frá því að dóttir hans Hekla Hrafnsdóttir hafi veikst alvarlega í kjölfar covid bólusetningar. Í ágúst 2024 hafi hún verið orðin mjög máttfarinn og óvinnufær vegna veikindanna.

Hrafn segir að dóttir hans þá nýorðin 18 ára, hafi fengið tvær sprautur af Pfizer í júní 2021, lotunúmer FC2336 og FE2090, sem samkvæmt rannsóknum innihéldu þessi lotunúmer leifar af krabbameinsvakanum SW40, sem hefur verið notað á tilraunastofum til að framkalla krabbamein í rottum.

Hekla var afrekskona í íþróttum og æfði blak með unglingalandsliðinu og alltaf verið einstaklega hraust og heilbrigð stúlka.

Eftir seinni sprautuna fór að bera á heilsubresti, frávik í tíðahring sem þúsundir annarra kvenna lentu í, margar mjög alvarlegum og hafa m.a. glímt við ófrjósemi í kjölfarið.

Þegar leið á veturinn þá hneig Hekla tvisvar sinnum niður á keppnismóti vegna ofsafenginna bakverkja sem að ekki fékkst skýring á fyrr en löngu síðar.

Síðan fór að bera á kvíða sem hún hafði aldrei glímt við og í framhaldinu fékk hún krónískan niðurgang sem að mjög illa gekk að stöðva. Matarlystin varð mjög skert og erfitt að koma niður mat sem læknar sögðu að væri aukaverkun af kvíðalyfjunum.

Árið 2024 var Hekla búin að missa 10 kíló og var grannvaxinn fyrir. Þetta sumar var hún að vinna í Mývatnssveit og leitaði hún þar á Heilsugæsluna vegna vanlíðunar og mikilla kviðverkja. Hún var send heim með verkjalyf án þess að blóðprufa hafi verið tekin. Viku síðar leitaði hún á sjúkrahúsið á Húsavík vegna versnandi verkja, þar sem hún var greind með magabólgu, fékk lyf við henni og aftur var engin blóðprufa tekin.

Í ágúst var Hekla orðin svo máttfarinn að hún var ekki vinnufær lengur og leitar hún þá á bráðamóttökuna á Landspítalanum. „Þar var loks tekin blóðprufa og niðurstaðan hreinlega öskraði á krabbamein,“ segir Hrafn.

Það hafi átt upptök sín í ristli sem er algerlega fáheyrt á meðal ungra kvenna og hafði breiðst út í lifur og lungu.

Áfall hennar og þeirra sem að henni var algjört, segir faðir hennar.

Hrafn var staddur í vinnunni nokkrum dögum síðar, þar sem hann rakst á norska grein af algjörri tilviljun, greinin bar yfirskriftina „Covid sprautur valda krabbameini,” Fréttin fjallaði einnig um málið og má lesa hér.

Greinin fjallar um nýja tegund krabbameina sem kallast Turbo-krabbamein. Krabbameinið er mjög ágengt og dreifist hratt um líkamann. Hrafn segist hafa lesið alla greinina og áttaði sig þá á því að veikindi Heklu var lýst nánast lið fyrir lið.

Hrafn segir að læknateymið sem að annaðist Heklu hafi verið ráðalaus og ráðþrota og að þeirra sögn nánast aldrei séð krabbamein hafa farið svona hratt yfir.

Þann 12. nóvember 2024 lést Hekla Hrafnsdóttir einungis 21 árs gömul.

Hekla hafði enga undirliggjandi áhættuþætti eða genagalla og var fullkomlega heilbrigð að öllu leiti.

Lyfjaframleiðendur tóku enga ábyrgð

Hrafn greinir frá að þegar að íslenska ríkið gerði kaupsamninga við lyfjarisanna sem seldu sprautuefnin, þá tóku lyfjaframleiðendur það skýrt fram að þeir ábyrgist ekki skaða sem að sprauturnar gætu valdið. Ástæðan var sú að þetta væru órannsökuð lyf sem fór ekki í gengum eðlilegan þróunartíma bóluefna og ekki var vitað um virkni þeirra gagnvart veiru sem aldrei hefur náðst að raðgreina.

Íslenska ríkið tók því á sig alla ábyrgð á þeim skaða sem efnin kynnu að valda. Þrátt fyrir það þá hefur sjúklingum sem hafa skaðast alvarlega á völdum efnanna gengið mjög erfiðlega að sækja bætur til sjúkratrygginga. Önnur lönd eru hins vegar byrjuð að greiða skaðabætur vegna andláts eða alvarlegra veikinda og fyrir stuttu þá hvatti yfirmaður covid-rannsóknarnefndar í Bretlandi til þess að skaði af völdum efnanna yrði almennt meira viðurkenndur og taldi einnig að tvöfalda ætti bætur til sjúklinganna eða aðstandenda sem misstu sína ættingja.

Alma Möller helti sér yfir Hrafn

Hrafn greindi frá því að hann hafi sótt Málþing á vegum Krabbameinsfélagsins þar sem Alma Möller heilbrigðisráðherra og fv. Landlæknir hafi verið frummælandi. Málþingið fjallaði um hvernig við getum minnkað líkurnar á að fá krabbamein.

Hrafn segist hafa beðið eftir Ölmu í bílakjallaranum þar sem hann vildi eiga við hana orð um covid sprautur og krabbamein. Hann segist hafa gengið til hennar þegar hún kom út, kynnt sig og spurt hvort hún hefði tíma til að eiga við hann orð. „Alveg sjálfsagt“ sagði Alma og kvaðst ekki vera á neinni hraðferð. Hrafn byrjaði á því að þakka henni fyrir erindið á málþinginu sem honum þótti að mörgu leiti ágætt, en bætti við að honum fyndist vanta í ræðu hennar umfjöllun um öll þau umframdauðsföll sem áttu sér stað á Íslandi síðust 4-5 árin í kjölfar Covid bólusetningar. Og einnig þá aukningu sem orðið hefur á nýgengi krabbameina á sama tíma, ekki síst hjá ungu fólki.

Alma sagðist ekki kannast við þessa aukningu krabbameina eða umframdauðsföll á undanförnum árum. Hrafn sagðist þá ekki trúa henni því nú væri hún heilbrigðisráðherra og áður landlæknir og hlyti því að hafa heyrt af þessu. Alma neitaði því aftur og spurði Hrafn hana þá hvort þetta gæti tengst covid-sprautunum. Alma lét þá eins og hún kæmi af fjöllum, og neitaði því harðlega, spurði hvort hann væri alveg frá sér og fullyrti að sprautuefnin hefði verið virkilega örugg og farsæl og hafi reynst vel öllum sem þær fengu og bætti við að þær hafi verið nauðsynlegar og sagði að Hrafn væri á algjörum villigötum.

Hrafn spurði Ölmu þá hvers vegna hún hafði þá komið í veg fyrir að tengdamóðir sín yrði sprautuð með efninu á hjúkrunarheimilinu Sóltúni í lok árs 2020.

Hann segist aldrei hafa séð neinn einstakling skipta litum jafnskjótt. Alma hafi stuðst við hækju á þessum tíma og hann hafi haldið á vissum tímapunkti að hún myndi leggja til hans með hækjunni.

Alma hellti sér yfir Hrafn í mikilli bræði og sagðist ekki ræða heilsufar tengdamóður sinnar við ókunnuga.

Hrafn segist þá hafa spurt hana þá í mestu rólegheitum hvort að hún hyggi á að ræða aukaverkanir eftir covid-sprautur almennt alveg óháð tengdamóður hennar, hún svaraði því ekki, og skyndilega lá henni mikið á að komast í burtu og hafi þá skakklappast í burtu á hækjunni að ráðherrabílnum og brennt í burtu.

Hér neðar má sjá átakanlega frásögn frá hugrökkum föður sem tekið var upp af Kla.tv .

Þess má geta að Fréttin fjallaði einnig um veikindi afreksíþróttakonunnar Hrannar Sigurðardóttur, sem veiktist alvarlega í kjölfar Covid-bólusetningar, hún fékk samskonar krabbamein og dóttir Hrafns sem hófst í ristli og dreifði sér svo hratt í önnur líffæri í formi túrbó-krabbameins. Hrönn lést af völdum sjúkdómsins eftir hetjulega baráttu þann 30. júní 2023.