Hafnaði yfir hundrað beiðnum um við­töl - Vísir

Þetta kemur fram í svari forsætsráðuneytisins við fyrirspurn Diljár Mistar Einarsdóttur, þingmanns Sjálfstæðisflokksins, sem óskaði eftir upplýsingum frá ráðuneytinu um meðferð viðtalsbeiðna. 

Þar kemur fram að ekki hafi verið settar sérstakar vinnureglur um meðferð viðtalsbeiðna og telja upp fjölda viðtala þar sem stór hluti þeirra fari fram að loknum ríkisstjórnarfundi. Um 150 ríkisstjórnarfundir hafa verið haldnir það sem af er kjörtímabilinu.

„Á þessu kjörtímabili hefur ráðherra veitt ótal fréttaviðtöl við helstu fjölmiðla landsins, verið gestur í fjölmörgum hlaðvörpum og umræðuþáttum í sjónvarpi og útvarpi,“ segir í svarinu.

Þar er fjöldi fjölmiðla listaður, þar á meðal fréttastofa Vísis og Bylgjunnar, fréttastofa Rúv, Morgunblaðið, Heimildin og Gímaldið. Einnig kemur fram að ráðherrann hafi verið gestur í fjölda umræðuþátta, hlaðvarpa og sjónvarpsútsendinga. Tekið er fram að Kristrún hafi þurft að hafna viðtalsbeiðnum frá flestum miðlunum vegna tímaskorts.

Neitaði og játaði The Guardian

Þá hafi mörgum viðtalsbeiðnum frá erlendum fjölmiðlum verið hafnað, sér í lagi vegna tímaskorts og annarra verkefna. Tæplega áttatíu beiðnir bárust í tengslum við þjóðaratkvæðagreiðsluna um aðildarviðræður við Evrópusambandið.

Á þeim tíma fór Kristrún til dæmis í viðtal hjá The Rest is Politics. Á kjörtímabilinu hefur hún til dæmis einnig rætt við blaða- og fréttamenn Bloomberg, The Guardian, Financial Times, New York Times, Svergies Radio, Kringvarps Færeyja og BBC. 

Hins vegar hafi hún sömuleiðis hafnað viðtalsbeiðnum frá yfir hundrað fjölmiðlum. 

Þar má nefna 60 minutes Ástralíu, CNN, Channel 4, TBS Japan, Reuters, Lithuanian Public Broadcaster, Wall Street Journal og Washington Post.

Viðtalsbeiðnum frá þessum fjölmiðlum var hafnað:

60 minutes Ástralíu, ABC Ástralíu, Acero y Roca, AFP, Agire Sociale News, Aktuality, Al Jazeera, Algemeen Dagblad, Altinget, Anadolu Agency, AP, ARD, Asahi TV, Bari Science Lab, BBC, Berlingske, Bloomberg, BNR, Caspian Energy, CBS, CGTN Europe, Channel 4, Clarin, CNBC, CNN, Columbia University Interview Series, Dagens Nyheter, Dagens Næringsliv, Dagsavisen, De Tijd, Der Spiegel, Deutsche Welle, Diplomatic Quarterly Magazine, Dogu Gunesi TV, DPA News Agency, Dubai Talk Show, Dungeons of Science, Economist, El País, ERR, Euractiv, EuroMania, Euronews, European Movement UK, Explorer Magazine, Forbes Austurríki, France 24, Frankfurter Allgemeine Zeitung, Global TV, Hafiz Times, Iltalehti, Jiji Press, KAN News, Kathimerini, Kristeligt Dagblad, Kölner Stadt-Anzeiger, La Presse, LBC Radio, Le Grand Continent, Le Point, Le Temps, Les Echos, Lithuanian Public Broadcaster, Millieyt, Monetary Matters, Morgenbladet, ND Vijesti, New York Times, NRK, Parlons Pol, Politico, Politiken, Puls360°, Radio France, Radio IIII, Reformatorisch Dagblad, Reuters, Room for Discussion, RTL, Suddeutsche Zeitung, Sudostschweiz, Sunday Times, Suomen Kuvalehti, SVT, Swiss Broadcasting Company, TBS Japan, Telegraph, The Guardian, The Lindsay Advocate, The Observer, The Parliament Magazine, The Prode, The Times, The Wyatt Sharpe Show, Trend News, Turkiye Today, TurkTime, TVP World, Verdens Gang, Vijesti, Voice of Islam Breakfast Show, Wall Street Journal, Washington Post, Welt, WION, World News Journal og Yomiuri Shimbun.