Hvergi á Norðurlöndum eru hlutfallslefa fleiri dauðaslys í umferðinni en á Íslandi. Ísland er eitt örfárra Evrópulanda þar sem dauðaslysum í umferðinni hefur fjölgað.
Þetta kemur fram í tölfræði frá Eurostat, tölfræðistofnun Evrópusambandsins.
Kemur fram að árið 2024 hafi 19.934 einstaklingar týnt lífinu í bílslysum á ESB og EES svæðinu. Það er fækkun um 2,2 prósent frá fyrra ári og annað árið í röð þar sem dauðaslysum í umferðinni fækkar í Evrópu.
Á undanförnum árum hefur dauðaslysum fjölgað í aðeins fimm ríkjum í Evrópu. Það er á Íslandi, Írlandi, Spáni, Sviss og Eistlandi. Hafa ber í huga að ferðamönnum hefur fjölgað mikið á Íslandi á þessu tímabili.
Undir meðaltali
Hlutfallslega eru flest dauðaslysin í Rúmeníu og Serbíu, það er 78 ár hverja milljón íbúa. Almennt séð er hlutfallið hærra í austur og suðurhluta álfunnar en í norður og vesturhlutanum.
Lægsta hlutfallið er í Noregi, aðeins 16 á hverja milljón. Í Svíþjóð eru það 20, Í Danmörku 24, í Finnlandi 32 og á Íslandi 34. Hlutfallið á Íslandi er mjög svipað og í til dæmis Þýskalandi, Spáni, Írlandi og Hollandi. Ísland er undir meðaltali í álfunni sem er 44 á hverja milljón.
Langflestir karlmenn
Karlmenn eru í miklum meirihluta þegar kemur að dauðsföllum í umferðinni, um þrír af hverjum fjórum sem deyja eru karlar. Á undanförnum tíu árum hefur dauðsföllum karla fækkað um 12,6 prósent en kvenna um 18,4 prósent.
31,1 prósent þeirra sem deyja í umferðinni eru á aldrinum 25 til 49 ára. 30,7 prósent eru 65 ára eða eldri.
Tæplega helmingur ökumenn eða farþegar í bílum
Flestir sem deyja eru annað hvort ökumenn eða farþegar í bílum, það er 43,6 prósent. 18,5 prósent eru ökumenn bifhjóla eða farþegar þeirra. 17,8 prósent eru gangandi vegfarendur og 9,9 prósent eru hjólreiðamenn.
