Verkefnið hefur staðið yfir í nokkur ár og hafa um 60 nemendur við Háskóla Íslands komið að þróun og smíði Fenris. Um 30 þeirra fara til Barcelona þar sem Team Spark tekur þátt í Formúlu stúdentakeppninni og keppir við lið frá háskólum víðs vegar að úr Evrópu.
Íslenska liðið sker sig úr að því leyti að þátttakendur eru almennt yngri en hjá mörgum öðrum liðum og flestir þeirra eru á fyrsta eða öðru ári í háskóla. Fenrir byggir á fyrri þróunarvinnu liðsins og hönnun Kristjáns Arnar Aðalbjörnssonar, stundakennara við Háskóla Íslands.
Undirbúningur fyrir keppnina hefur staðið yfir í vetur. Bíllinn hefur verið prófaður við Háskóla Íslands og lokaprófanir fóru fram í Garðabæ um helgina. Í Barcelona þarf Fenrir að standast tækniskoðun áður en hann fær keppnisleyfi.
