Grænlenski utanríkisráðherrann Múte B. Egede segir brýnt að endurheimta það traust til Bandaríkjanna sem ítrekuð ásælni Donalds Trump forseta hefði skaðað. Hann útilokaði ekki að beita hervaldi við innlimun Grænlands sem olli landsmönnum miklum áhyggjum og kvíða.
Egede sagði í samtali við DR erfitt og snúið verkefni fram undan, enda hefði eitthvað brostið í samskiptum landanna.
Ráðherrann lét þessi orð falla í aðdraganda umfjöllunar grænlenska þingsins um þríhliða öryggissamkomulagið milli Bandaríkjanna, Danmerkur og Grænlands sem meðal annars heimilar byggingu tveggja nýrra bandarískra herstöðva í landinu. Málið er ekki komið á dagskrá danska þingsins.
Það sagði Trump binda enda á deilurnar. „Þegar góður vinur hegðar sér af þvílíku virðingarleysi verður að byggja traustið alveg frá grunni,“ sagði Egede.
Hann sagði að eftir sumarleyfi hefðu komið upp aðstæður sem hefðu getað komið í veg fyrir samkomulag. Ágreiningurinn hefði í anda gagnkvæmrar virðingar verið lægður og samkomulag náðst.
