Íslenska gámafélagið ætlar að flytja út þúsundir tonna af sorpi frá Akureyri til Árósa í Danmörku. Þar mun sorpið fara í orkunýtingu sem verður nýtt til framleiðslu rafmagns.
Hingað til hafa Akureyringar keyrt almennt sorp á Sölvabakka við Blönduós og þar hefur það verið urðað. Að mati sviðstjóra Umhverfis- og orkustofnunnar er þetta framfaraskref fyrir Norðlendinga en betur má ef duga skal.
