Alls hafa 709 einstaklingar sótt um alþjóðlega vernd það sem af er þessu ári. Það er svipuð tala og í fyrra en eigi að síður umtalsverð fækkun frá árunum þar á undan. Þannig voru umsóknir um alþjóðlega vernd 1.122 talsins fyrstu sex mánuði ársins 2024.
Flestar umsóknir það sem af er þessu ári bárust í janúar en næstflestar í júní. Nú þegar yfirstandandi júlímánuður er hálfnaður hafa 34 umsóknir borist. Þetta má sjá á mælaborði ríkislögreglustjóra þar sem upplýsingar þessa efnis eru uppfærðar reglulega.
Í tilkynningu frá dómsmálaráðuneytinu, sem birt er á vef Stjórnarráðsins, segir að langflestar umsóknanna séu frá Úkraínu líkt og undanfarin ár, en þarlendir umsækjendur eru nær þrír fjórðu hlutar allra umsækjenda það sem af er ári. Þar á eftir koma umsóknir frá fólki frá Venesúela, eða ríflega tíundi hluti, en um 6% umsókna koma frá Palestínumönnum. Fram kemur að frá árinu 2022 hafi nær átta af hverjum tíu umsóknum verið frá Úkraínu og Venesúela, en Úkraínumenn flýja land vegna árásarstríðs Rússa en Venesúelabúar flýja bágborið efnahagsástand þar í landi.
Fáðu aðgang að þessari grein
Með áskrift færðu fullan aðgang að öllum læstum greinum Árvakurs — vandað, fjölbreytt og traust efni, hvar og hvenær sem er.
Þannig styður þú íslenska fjölmiðlun og hjálpar okkur að halda áfram að segja sögurnar sem skipta máli.
Tryggðu þér aðgang núna.
Innskráning
Ertu ekki með notendaaðgang? Fara í nýskráningu.
