Yfirvöld í Þýskalandi gruna tvo menn um aðild að tilraun til drónaárásar á flugvöll í Leipzig í byrjun ágúst. Þýska dagblaðiðSüddeutsche Zeitung greinir frá þessu. Annar þeirra hefur tengsl við leyniþjónustu í Rússlandi.
Annar hinna grunuðu er með lettneskt vegabréf. Hinn er frá Belarús og með rússneskt vegabréf. Rannsókn lögreglu í Þýskalandi hefur leitt í ljós vísbendingar sem passa við gögn í gagnagrunnum í Finnlandi og Litáen. Lögregla hefur safnað DNA-sýnum við rannsóknina.
Dróna með sprengiefni var flogið inn á flugvöllinn Leipzig í byrjun ágúst og fannst hann nálægt úkraínskri flutningaflugvél. Þýsk yfirvöld greindu frá því í gær að samkvæmt lögreglurannsókn, ummerkjum árásanna og upplýsingum frá leyniþjónustu væri ljóst að Rússar hafi verið að verki. Þessum ásökunum hafa stjórnvöld í Rússlandi hafnað.
YLE, ríkisútvarp Finnlands, greinir frá því að utanríkisráðherra landsins, Elina Valtonen, hafi kallað sendiherra Rússlands á sinn fund vegna árásartilraunarinnar á Leipzig-flugvelli.
