Tveir af hverjum þremur telja aðhald Seðlabankans of mikið
Í könnun Seðlabankans vænta markaðsaðilar hraðari vaxtalækkana og minni verðbólgu eftir eitt og tvö ár en þeir gerðu í ágúst. Verðbólga er enn yfir markmiði Seðlabankans, en markaðsaðilar búast við að hún hjaðni og vextir lækki á næstu tveimur árum.
Tveir af hverjum þremur markaðsaðilum telja peningastefnu Seðlabanka Íslands of stranga. Hlutfallið hefur hækkað úr 50 prósentum í ágúst í 65 prósent samkvæmt nýrri könnun bankans. Á sama tíma hefur þeim sem telja aðhaldið of lítið fækkað verulega. Aðeins einn svarandi af 31 er þeirrar skoðunar, en í ágúst taldi þriðjungur markaðsaðila aðhaldið of lítið.
Breytingin er einnig áberandi meðal þeirra sem telja peningastefnuna allt of stranga. Þeir eru nú rúmur fjórðungur svarenda, samanborið við 12,5 prósent í ágúst. Um þriðjungur telur aðhaldið hæfilegt, en það hlutfall hefur nær tvöfaldast milli kannana.
65%
Seðlabankinn kannaði væntingar markaðsaðila dagana 2. til 4. nóvember. Alls svaraði 31 af 37 aðilum sem leitað var til. Meðal þátttakenda voru bankar, lífeyrissjóðir, fjárfestingarsjóðir og eignastýringarfyrirtæki.
Seðlabankinn framkvæmir svona könnun fjórum sinnum …
