Þórarinn gagnrýnir ummæli Þorsteins sem segir konur siðferðislega betur þenkjandi og kallar karla „frumstæð gerpi“

Vísuðu í könnun og túlkuðu mun milli kynja

Í samtalinu bendir Haukur á tölur sem hann segir sýna að 27 prósent karla hafi mjög neikvæða afstöðu til stuðningsfólks frjálsrar Palestínu, á meðan hlutfallið sé um 10 prósent meðal kvenna. Þorsteinn bregst við og segir muninn áhugavert rannsóknarefni.

Í framhaldinu velta þeir fyrir sér hvort konur sýni meiri samkennd eða séu „siðferðilega betur þenkjandi“, en Þorsteinn tekur heldur stærra upp í sig og heldur því fram að karlar séu almennt „frumstæð gerpi“ og að eitthvað hafi misfarist þar.

Segir ummælin dæmigerð fyrir fræðasviðið

Þórarinn gagnrýnir þetta orðalag og segir Þorstein alhæfa um karla og gefa í skyn að þá skorti samkennd. Hann bendir á að slíkar yfirlýsingar séu furðuleg og ef sambærileg orð væru látin falla um konur telur Þórarinn nokkuð öruggt að hann myndi ekki sleppa við afleiðingar. Hann tekur dæmi um þetta og segir að ef hann kallaði konur „frumstæðar tussur“ þá myndu ýmsir aðilar hafa margt út á það að setja.

Að hans mati er þó ekki óvænt að Þorsteinn láti svona út úr sér heldur endurspegli orð hans ákveðið sjónarhorn sem sé kennt innan kynjafræði.

Hann segir jafnframt að eðlilegt sé að gagnrýna slíkar fullyrðingar og ræða þær opinberlega.

Sambærileg ummæli valdið brottrekstri

Kristinn Sigurjónsson, lektor við tækni- og verkfræðibraut Háskólans í Reykjavík, var gert að segja upp störfum eftir að hann lét umdeild ummæli falla um konur í lokuðum Facebook hópi. Í færslu sinni sagði Kristinn meðal annars konur troða sér inn á vinnustaði karla og eyðilegðu þá með því að breyta neyða þá til að hegða sér eins og konur.

Málið fór í fjölmiðla og í kjölfarið var honum gert að hætta störfum, ella yrði honum sagt upp.

Menntaskólinn í Kópavogi vildi ekki tjá sig

Nútíminn sló á þráðinn til Skólameistara Menntaskólans í Kópavogi, þar sem Þorsteinn starfar sem kynjafræðikennari og spurði skólameistara um ummælin og hvort þau samrýmdust afstöðu skólans til karlmanna.

Skólameistari neitaði að tjá sig um málið og sagðist ekki hafa heyrt ummæli Þorsteins. Skólameistar vildi heldur ekki svara hvort þessi afstaða til karlmanna væri í takt við opinbera afstöðu skólans.