Nú er verslunarmannahelgin að skella á og í tilefni þess tók Nútíminn saman spilunartölur Þjóðhátíðarlaganna á Spotify og bar þær saman við áhorfstölur á YouTube.
„Ástin á sér stað“ með Sverri Bergmann, Friðriki Dór og hljómsveitinni Albatross er mest spilaða Þjóðhátíðarlagið á Spotify og YouTube, með yfir 5,5 milljónir spilana og áhorfa samanlagt.
Við samantektina var miðað við eina útgáfu hvers lags á Spotify og það opinbera myndband eða þá fullu útgáfu lagsins sem hafði fengið flest áhorf á YouTube.
„Ástin á sér stað“, sem kom út fyrir Þjóðhátíð árið 2016, er langvinsælasta lagið samkvæmt samantektinni. Lagið hefur fengið tæplega 3,9 milljónir spilana á Spotify og tæplega 1,7 milljónir áhorfa á YouTube.
Samtals hefur lagið því verið spilað eða horft á rúmlega 5,5 milljón sinnum.
Þar sem hjartað slær í öðru sæti
Í öðru sæti er lagið „Þar sem hjartað slær“ frá árinu 2012, með tæplega 4,2 milljónir spilana og áhorfa samanlagt.
Þar á eftir kemur „Lífið er yndislegt“, eitt þekktasta Þjóðhátíðarlag síðari áratuga, með tæplega 2,7 milljónir.
Mjög litlu munar á lögunum í fjórða og fimmta sæti. „Á sama tíma, á sama stað“ er með um 2,57 milljónir spilana og áhorfa, en „Ljúft að vera til“ fylgir fast á eftir með um 2,54 milljónir.
Tíu mest spiluðu Þjóðhátíðarlögin
10. Þú veist hvað ég meina, mær (1997)
Flytjandi: Skítamórall
Spotify: 1.302.008
YouTube: 178.504
Samtals: 1.480.512
9. Takk fyrir mig (2020)
Flytjandi: Ingó Veðurguð
Spotify: 1.503.262
YouTube: um 25.000
Samtals: um 1.528.300
8. Ég veit þú kemur (1962)
Flytjendur: Elly Vilhjálms og Hljómsveit Svavars Gests
Spotify: 1.326.818
YouTube: um 257.000
Samtals: um 1.583.800
7. Þúsund hjörtu (2023)
Flytjandi: Emmsjé Gauti
Spotify: 1.574.195
YouTube: 156.209
Samtals: 1.730.404
6. La Dolce Vita (2011)
Flytjandi: Páll Óskar
Spotify: 1.462.739
YouTube: 647.826
Samtals: 2.110.565
5. Ljúft að vera til (2014)
Flytjandi: Jón Jónsson
Spotify: 1.998.663
YouTube: 545.654
Samtals: 2.544.317
4. Á sama tíma, á sama stað (2018)
Flytjendur: Friðrik Dór og Jón Jónsson
Spotify: 2.103.235
YouTube: 464.281
Samtals: 2.567.516
3. Lífið er yndislegt (2001)
Flytjendur: Bergsveinn, Magni, Hreimur og Grettiskórinn
Spotify: 2.312.819
YouTube: 368.896
Samtals: 2.681.715
2. Þar sem hjartað slær (2012)
Flytjendur: Fjallabræður, Lúðrasveit Vestmannaeyja og Sverrir Bergmann
Spotify: 2.961.633
YouTube: 1.215.399
Samtals: 4.177.032
1. Ástin á sér stað (2016)
Flytjendur: Sverrir Bergmann, Friðrik Dór og Albatross
Spotify: 3.876.251
YouTube: 1.678.651
Samtals: 5.554.902
Gamall klassíker heldur velli
Elsta lagið á topp tíu listanum er „Ég veit þú kemur“ frá árinu 1962. Lagið hefur haldið vinsældum sínum í meira en sex áratugi og safnað tæplega 1,6 milljónum spilana og áhorfa.
Nýjasta lagið á listanum er „Þúsund hjörtu“ frá árinu 2023. Það situr í sjöunda sæti með rúmlega 1,7 milljónir spilana og áhorfa.
Tölurnar geta breyst daglega og eru ekki fullkominn mælikvarði á heildarvinsældir laganna. Eldri lög voru til að mynda vinsæl löngu áður en Spotify og YouTube komu til sögunnar.
Þá geta fleiri útgáfur, tónleikaupptökur og mismunandi myndbönd af sama lagi verið aðgengileg á YouTube. Þær útgáfur voru ekki allar lagðar saman við gerð listans.
