Þekkt íslensk nöfn birtast á nafnlausri síðu þar sem þeir eru ásakaðir um ofbeldi

Á síðunni er skýrt tekið fram að allar upplýsingar séu sendar inn af notendum og óstaðfestar, og að rekstraraðilar ábyrgist ekki sannleiksgildi þeirra á nokkurn hátt.

Fjöldi íslenskra nafna birtist á skömmum tíma

Samkvæmt notendum í „Áfram stelpur!“ hefur fjöldi íslenskra nafna á síðunni aukist hratt á skömmum tíma.

„43 á Íslandi eins og er og fer ört fjölgandi. Sorglegt fyrir svona litla þjóð,“ skrifar Kristin Johansen í einni athugasemd. Skömmu síðar bendir annar notandi á að fjöldinn sé kominn í 98.

Á síðunni sjálfri má sjá að nafngreindir einstaklingar eru merktir með flokkum á borð við nauðgun, barnaníð, áreitni, eltihrellingu og fleiri, án frekari skýringa eða staðfestingar.

Meðal þeirra sem hafa verið skráðir á síðuna eru óþekktir einstaklingar og þekktari nöfn. Til dæmis má þar finna færslur um Pétur H. Marteinsson og Dag B. Eggertsson, og merkingar eins og barnaníð, nauðgun og fleira hengdar á þá. Einnig er Íris „Elithrellir“ nafngreind á síðunni. Engar frekari upplýsingar eða staðfestingar fylgja slíkum færslum, né heldur hver setur þær inn.

Þess má geta að Aðalheiður sjálf er nefnd sem gerandi á síðunni.

Áhyggjur af misnotkun og hefndarpóstum

Í umræðunni hafa margir lýst yfir stuðningi við hugmyndina á bak við síðuna, en hafa samt áhyggjur af því hvernig hún gæti verið misnotuð.

„Mér finnst þetta frábært. Það eina sem ég óttast er að gerendur sjálfir reyni að setja inn nöfn til að hefna sín,“ skrifar einn notandi.

Annar tekur í sama streng: „Þetta er ekki sniðug síða. Hún verður notuð sem hefndarsíða held ég. Einstaklingar sem hafa ekki gert neitt af sér verða settir þarna inn.“

Einnig er spurt hvort hægt sé að rekja hverjir setja inn nöfn. Þar kemur fram í svörum að slíkt sé ekki mögulegt samkvæmt upplýsingum sem hægt er að finna á síðunni sjálfri.

Stjórnandi hópsins hvetur til samstöðu 

Aðalheiður Ósk Þorsteinsdóttir, stjórnandi hópsins „Áfram stelpur!“, hefur verið áberandi í umræðunni. Hún hefur hvatt aðra í hópnum áfram..

Í færslu frá henni segir meðal annars henni finnist hugmyndin að síðunni frábær en að síðan hafi farið ókláruð í loftið og að hún sé nú orðin vettvangur fyrir hefndarpósta og misnotkun. Hún bendir á að það grafi undan trúverðugleika síðunnar og geti skaðað ætlaðan tilgang hennar.

Hún hvetur jafnframt fólk til að tilkynna færslur sem það telur rangar:
„Ef einhver verður fyrir árás inni á NameHim, þá hvet ég ykkur til að deila því hér í athugasemdum. Þannig getum við tilkynnt hvern einasta póst.“

Umræða um mörk og afleiðingar

Í athugasemdum má einnig sjá að sterkar tilfinningar eru gagnvart síðunni.
„Ekkert eðlilega þreytt að karlar geti verið með allskonar klám og nauðgunar síður en um leið og konur ætla að vara aðrar við hættulegum mönnum er það hakkað í drasl,“ skrifar einn notandi.

Aðrir velta fyrir sér hvort markvisst sé reynt að grafa undan síðunni.
„Eins og þetta sé viljandi gert svo að þessi listi verði minna trúverðugur.“

Stutt síðan sami hópum stóð fyrir ásökunum á aðra menn

Í mars var myndlistarmaðurinn Pétur Gautur sakaður um barnaníð af nafnlausum meðlimum sama hóps eftir að kona taldi sig sjá grunsamlegar aðstæður við vinnustofu hans. Pétur sagði um misskilning að ræða og að umrædd „dýna“ væri í raun bæli fyrir hundinn hans, auk þess sem drengur sem sást á staðnum væri barn nágranna sem kæmi reglulega í heimsókn. Hann tilkynnti málið til lögreglu og sagðist ætla að kæra ásakanirnar.