„Þau brugðust dóttur minni í svo mörg ár“
Íslenskur maður í Kaupmannahöfn segir sögu 16 ára dóttur sinnar sem glímir við hegðunar- og fíknivandamál. Félagslega kerfið brást henni þegar hún var flutt á heimili þar sem brotið var á henni kynferðislega og svo annað þar sem hún gat auðveldlega nálgast vímuefni.
Íslenskur maður í Kaupmannahöfn lýsir því hvernig félagslega kerfið í borginni brást dóttur hans þegar hún var færð á milli þriggja heimila vegna hegðunar- og fíknivanda.
Þetta kemur fram í umfjöllun danska dagblaðsins Berlingske um röð mála þar sem félagslega kerfið í Kaupmannahöfn brást skjólstæðingum sínum með seinagangi og skorti á viðbrögðum þrátt fyrir fjölda viðvarana.
Mál dóttur íslenska mannsins er þar í brennidepli. Maðurinn, sem er eingöngu nefndur A. H. Jonsson í greininni til þess að vernda dóttur hans, er íslenskur að því er Heimildin hefur fengið staðfest.
Maðurinn segist hafa misst traust á félagslega kerfinu. „Þau brugðust dóttur minni í svo mörg ár,“ segir maðurinn við Berlingske í þýðingu blaðamanns. „Ég hef verið varkár með að tala um þetta opinberlega. En ef ég þarf að vernda barnið mitt og ef það getur hjálpað öðrum er það líklega síðasta úrræðið.“
Í greinargerð sem eftirlitsaðilinn Borgerrådgiveren skrifaði um málið …
