Kit Harington lýsti því að það væri „skrýtið“ að taka upp nánar senur með Sophie Turner í nýju hryllingsmyndinni þeirra í ljósi þess að þau léku systkin í Game of Thrones .
Harington, 39 ára, og Turner, 30 ára, ólust upp saman við tökur á vinsælu þáttunum sem stóðu yfir frá 2011 til 2019. Turner, sem lék Sönsu Stark, var aðeins 14 ára gömul þegar tökur hófust og Harington, sem lék Jon Snow, 24 ára gamall. Í þáttaröðinni léku þau uppeldissystkini.
Það voru því óneitanlega undarleg umskipti fyrir þau bæði að leika elskendur í nýju myndinni þeirra, The Dreadful. Myndin, sem leikstýrt er af Natöshu Kermani, fjallar um konu sem býr í einangrun í Englandi á 15. öld og líf hennar sem tekur stefnubreytingu þegar persóna úr fortíð hennar snýr skyndilega aftur.
Harington ræddi málið við Peter Dinklage, fyrrverandi meðlim GOT, fyrir þáttaröðina Actors on Actors á Variety og sagði: „Þetta var skrýtið. Hún sendi mér handritið og ég sagði: Sophie, við erum mjög oft að kela. Hún hafði ekki séð það. Hún sagði bara: „Já, Kit væri góður í þetta hlutverk.“
Harington hélt áfram og benti á að hann hefði þekkt Turner „frá því hún var barn“ og liti á hana sem „yngri systur“.
„Þetta var ógeðslegt, en það var allt í lagi,“ lýsti Harington enn fremur nánum senum sem teknar voru með henni í The Dreadful , sem kom í kvikmyndahús í febrúar.
Turner sjálf hefur tekið undir svipaðar skoðanir og sagt að þetta hafi verið „viðurstyggilegt“ Hún sagði við Seth Myers í fyrra: „Ég var að lesa þetta og hugsaði með mér: Koss, koss, kynlíf, koss, kynlíf og svo hugsaði ég með mér: Nei þetta er bróðir minn. En handritið er svo gott að hann hugsaði með sér: „Við verðum eiginlega að gera þetta.“
„Svo við hættum að hugsa um þetta og svo mættum við á settið og það er fyrsta kossasenan og við erum bæði að æla. Þetta er viðbjóðslegt, þetta var það versta … önnur mjög slæm stund á ferlin mínum.“
Í samtali sínu við Dinklage lýsti Harington Turner sem frábærri leikkonu. Dinklage tók undir það og sagði að hann teldi hana vera bestu leikkonuna í GOT. „Hún var svo vel undirbúin,“ sagði Dinklage, sem lék Tyrion Lannister. „Það var svo gaman að leika á móti henni. Hún var svo til staðar.“
Í samtalinu við Dinklage lýsti Harington áhyggjum sínum af því að hafa of margar kynlífssenur í kvikmyndum og sjónvarpsþáttum sem börnin hans gætu séð einn daginn. Hann á tvö börn með eiginkonu sinni Rose Leslie.
„Ég er að gera mikið af nekt núna, og kynlífssenum,“ sagði Harington .
„Því meira sem ég geri þetta, því meira hugsa ég: Ég held að ég ætti að hætta. Ég verð að byrja að hugsa um börnin mín, eins og: Af hverju er pabbi alltaf nakinn á skjánum?“
En Dinklage fullvissaði hann um að það væri í lagi og grínaðist með að börn væru alltaf nakin heima fyrir.
„Við sjáum nóg af þeim,“ sagði hann. Dinklage sagði síðan í gríni: „Það er í lagi, þetta verður samtal fyrir sálfræðing einn daginn.“
