Samgönguáætlun ríkisstjórnarinnar fyrir árið 2026-2040 ásamt fimm ára aðgerðaáætlun var samþykkt á Alþingi í dag mótatkvæðalaust. Samkomulag virðist vera í augsýn milli flokka um þinglok og má þá búast við því að þingið ljúki störfum í næstu viku.
Guðmundur Ari Sigurjónsson, þingflokksformaður Samfylkingarinnar, segir þingflokksformenn hafa verið að funda síðastliðnar vikur og að samtölin hafi gengið vel. Hann segir að samstaða hafi náðst um hvaða mál eigi að klárast fyrir þinglok.
Ólafur Adolfsson, þingflokksformaður Sjálfsæðisflokksins, segir að flokkurinn vilji koma saman aftur í ágúst til að ræða fjármálaáætlun og aðild Íslands að Evrópusambandinu.
Guðmundur segir fjármálaáætlunina vera tilbúna til afgreiðslu fyrir þinglok og að Evrópusambandsumræðan eigi heima hjá þjóðinni í ágúst.
