Tíu manns, hið minnsta, biðu bana þegar tvær hraðlestir lentu í árekstri suður af Madríd, höfuðborg Spánar, í morgun. Þær voru á lestarteinum milli Madrídar og Andalúsíu-héraðs.
Slysið varð um klukkan 8 í morgun að staðartíma. Tveir lestarvagnar fóru út af lestarteinunum. Enn er verið að meta aðstæður á slysstað. Allar ferðir á þessari leið hafa verið felldar niður vegna slyssins.
„Þær fregnir sem við höfum fengið eru ekki góðar. Hið minnsta tíu eru dánir og mögulega á eftir að koma í ljós að þeir séu fleiri,“ hafa spænskir fjölmiðlar eftir talsmanni yfirvalda í Castilla-La Mancha-héraði.
Fréttin hefur verið uppfærð.
