Á bilinu 30,6%–43% þeirra sem handteknir árin 2019–2025 voru erlendir ríkisborgarar. Rúmlega þúsund til rúmlega tvö þúsund útlendingar voru handteknir á hverju ári milli 2019 og 2025.
Þetta má sjá í svari dómsmálaráðherra við fyrirspurn Diljár Mistar Einarsdóttur þingmanns.
Á þessu ári, fram að 24. júní, hafa fjörutíu og þrjú prósent handtekinna verið með erlent ríkisfang. Það er svipað hlutfall og árin þrjú á undan. Þau ár hækkaði hlutfallið þó aðeins frá árunum 2019–2022.
Útlendingur er skilgreindur sem einstaklingur sem hefur ekki íslenskan ríkisborgararétt. Í svarinu er vakin athygli á því að ríkisfang segir ekki til um hvort fólk sé búsett á Íslandi. Í tölunum geta því einnig verið ferðamenn eða aðrir sem dvelja á landinu í styttri tíma.
Flestir erlendir ríkisborgarar voru handteknir árið 2025, eða 2.034. Það ár voru flestir handteknir heilt yfir, eða tæplega fimm þúsund.
Fæstir voru handteknir árið 2020 heilt yfir og hlutfall útlendinga þá einnig lægst. Rétt rúmlega þúsund með erlent ríkisfang voru handteknir það ár.
Við þetta má bæta að hlutfall útlendinga sem voru ákærðir á tímabilinu 2019–2024 er nokkuð lægra en þeirra sem voru handteknir. Af þeim sem voru ákærðir á tímabilinu voru 19,7%–30,4% með erlent ríkisfang.
