Oddvitasamtöl Heimildarinnar hefjast í kvöld
Oddvitasamtöl Heimildarinnar hefjast í kvöld í Tjarnarbíó og standa yfir næstu tvo daga. Þar mætast oddvitar og fulltrúar framboða í komandi borgarstjórnarkosningum í umræðum sem streymt er í beinni útsendingu. Valur Grettisson blaðamaður stýrir umræðunum.
Viðburðurinn fer fram fram fyrir opnum sal og gefst áhorfendum kostur á að taka þátt með því að senda inn spurningar í gegnum form á vefnum. Þú getur nálgast formið hér.
Hægt er að kaupa miða í salinn, en áskrifendur Heimildarinnar njóta helmingsafsláttar með afsláttarkóða sem sendur hefur verið í tölvupósti. Miðasala fer fram á Tix.is. Streymið verður hins vegar opið öllum án endurgjalds, en upptaka af hverju kvöldi verður aðgengileg áskrifendum í kjölfarið.
Dagskráin hefst í kvöld með tveimur umræðulotum. Klukkan 17.00 mætast Sanna Magdalena Mörtudóttir fyrir Vinstrið og Silja Sóley Birgisdóttir fyrir Sósíalistaflokk Íslands. Klukkan 18.00 taka við Einar Þorsteinsson fyrir Framsókn og Björg Magnúsdóttir fyrir Viðreisn.
Á morgun, þriðjudaginn 28. apríl, hefjast samtölin einnig klukkan 17.00 þegar Ari Edwald fyrir Miðflokk mætir Baldri Borgþórssyni fyrir Okkar borg. Klukkan 18.00 ræða síðan Pétur H. Marteinsson fyrir Samfylkingu og Hildur Björnsdóttir fyrir Sjálfstæðisflokk.
Samtalaröðinni lýkur miðvikudaginn 29. apríl með oddvitaumræðum þar sem Ingimar Þór Friðriksson fyrir Góðan daginn, Guðmundur Ingi Þóroddsson fyrir Flokk fólksins og Kristinn Jón Ólafsson fyrir Pírata mætast. Þær umræður hefjast klukkan 18.00.
