Helga Dögg Sverrisdóttir skrifar:

Til að auka inngöngu hefur norski herinn gert auglýsinga myndband. 

Myndbandið hefur vakið mikla umræðu í Noregi vegna múslímans sem er í myndbandinu. 

Í myndbandinu sést múslímskur maður með mikið skegg í norskum hermannabúningi biðja á bænateppi. Hann heyrist segja „Allahu akbar” sem þýðir að Guð er mestur (eða Guð er meiri). Múslímski guðinn Allah er æðri en hinn kristna Guð.

Myndbrotið af múslímska hermanninum sem segir „Allahu akbar” kallar fram gagnýrni á norska herinn. 

Þetta er óviðeigandi þegar þú veist að íslam er andstætt vestrænum gildum og að markmiðið er að berjast gegn trúleysingjum til að koma á alþjóðlegu kalífadæmi byggt á sharía.

Auk þess er þetta gert án þess að nefna kristni eða kristna hermenn einu orði.

Auk múslímska hermannsins eru tvö önnur myndbrot sem vekja umtal: Annað með fjölskyldumanni haldandi á barni sínu og klippa með lesbískum hermanni.

Fjölskyldufaðir í hermannabúningi gengur ástúðlega um með lítið barn.

Lesbíski hermaðurinn kyssir aðra konu bless í fullum skrúða hermanna á lestarpalli.

Eftir hverju myndbroti stendur:

„Fyrir allt sem við eigum" og ,,Fyrir allt sem við erum". Forsvaret.no/job.

Myndbandið er ætlað til að fá fólk úr ólíkum þjóðfélagshópum til að skrá sig, til að verja allt sem það á og er, ef það býr í Noregi.

En hvernig tengist það bókstafstrúarlegum íslam, þar sem þú segir ,,Allahu akbar”?

Gagnrýni áhersluna á múslíma

Myndbrotið með múslímanum í bæn var harðlega gagnrýnt.  

Sarah Gaulin, sem kemur frá Íran, skrifar í nettavisen.no:

Í myndbandinu frá hernum hafa orðin „Allahu akbar" tekið yfir skilaboðin. Á þennan hátt færir herinn athygli sína frá viljanum til að verja landið yfir í trúarbrögð, og það eru mistök, skrifar Sarah Gaulin og heldur áfram:

Þetta er undarleg ákvörðun sem getur sent skilaboð og skapað umræðu sem við þurfum sannarlega ekki. Herinn leggur áherslu á ákveðna trú og sjálfsmynd. Mjög skautað samfélag þarf ekki á því að halda. 

Það er aðeins ein trú, íslam, í myndbandi hersins. Það er ekki eitt orð um eigin trú Norðmanna, kristni.

Á samfélagsmiðlum hafa margir brugðist við. Blaðamaðurinn Espen Teigen er einn þeirra.

„Nóg er nóg. Aktívistar í hernum hrækja á forfeður okkar, menningu og sögu. ,,Allahu akbar" og íslam eru ekki hluti af Noregi sem við verjum. Það er ekki það sem forfeður okkar fórnuðu lífi sínu fyrir. Íslam er algjör andstæða gilda okkar, skrifar hann. (inyheter.no)

Lesendur Nettavisen virðast vera sammála gagnrýninni. Þetta sést í könnun meðal lesenda blaðsins.

Nettavisen spurði lesendur sína: Hefði herinn átt að sleppa myndbrotinu með bæninni?

Við því svara 92 prósent JÁ. Aðeins 8 prósent segja NEI.

Danmörk fór aðra leið

Danmörk fór aðra leið en Noregur þegar kemur að sérréttindum íslamskra hermanna.

Í Danmörku hafa þeir viðhaldið hlutlausum reglum um klæðaburð fyrir hermenn og starfsmenn hersins.

En ekki í Noregi. Í Noregi mega múslímskar konur bera hijab, íslamska höfuðklútinn sem hylur hár þeirra. Þetta var leyft strax 1. júlí 2012.

En svo er ekki í Danmörku. Þetta sagði þáverandi varnarmálaráðherra Frjálslynda flokksins, Søren Gade við Politiken:

,,Ég get alfarið neitað því að Royal Life Guard, hestafylgdarsveitin, hljómsveitin okkar eða aðrir hermenn munu ekki birtast í einhverju öðru en þeim búningi sem tilgreint er í búningareglum. Ef reglurnar eru ekki svona í dag, þá verða þær það héðan í frá."

Árið eftir, árið 2013, lagði Søren Gade áherslu á bann við að bera íslamska höfuðslæðu í hernum.

Þetta hefur ekki breyst. Í Danmörku ríkir meginregla um samræmda einkennisbúninga í hernum.

En nú er komin ný ríkisstjórn, þar sem hluti ríkisstjórnarinnar mun leyfa kvenhermönnum að bera slæðu.

SF og róttækir frjálslyndir eru hlynntir hijab í hernum

Nú eru fjórir flokkar í dönsku ríkisstjórninni.

Sósíaldemókratar eru á móti því að hijab sé hluti af hermannabúningnum.

Ríkisstjórnarflokkurinn, Hófsamir, hefur ekki gefið upp afstöðu sína til trúarlegra tákna í hernum.

En Sósíalíski þjóðarflokkurinn og Sósíalfrjálslyndi flokkurinn eru hlynntir því að múslimskir kvenhermenn geti borið hijab sem hluta af einkennisbúningi sínum.

Mette Frederiksen, forsætisráðherra, hefur lýst því yfir að ströng innflytjendastefna ríkisstjórnarinnar sé enn óbreytt.

Vonandi verður þetta einnig þegar kemur að hernum.

Ef maður gefst fyrst upp á gildum sínum einhvers staðar, kallar það á ójafnvægi. Herinn í Noregi er sorglegt dæmi um þetta.

Norski herinn leyfði hijab sem hluta af einkennisbúningnum árið 2012.

Í dag tala þeir fyrir hermönnum sem segja ,,Allahu akbar.” Guð er mestur.

Noregur hefur eitthvað að læra af Danmörku hér – ef það er ekki þegar of seint.

https://tv.kampanje.com/forsvaret-lofter-frem-kjaerlighet

Byggt á þessum skrifum: Den Korte Avis | Det norske forsvar fremhæver islam i ny reklamevideo, men ikke et ord om kristendommen – “de spytter på vores forfædre”