Pamela Anderson „er að skapa rými fyrir ástina“ í lífi sínu á meðan sögusagnir um ástarsamband hennar og Tom Cruise fljúga.
Leikkonan, 58 ára, er sögð vera tilbúin fyrir ástina á ný eftir „nokkur annasöm ár í að sanna sig“ í skemmtanabransanum, sagði heimildarmaður við Daily Mail á föstudag.
Sögur herma að Anderson hafi vakið athygli Cruise, 63 ára, í síðasta mánuði eftir að hann hreifst af frammistöðu hennar í mynd hennar, The Last Showgirl.
„Myndin fékk fólk til að sjá Pam í allt öðru ljósi, þar á meðal Tom,“ sagði heimildarmaður við National Enquirer. „Þau hafa verið í sambandi síðan þá.“
Heimildarmaðurinn sagði að það væri „örugglega neisti“ á milli stjarnanna tveggja.
„Fólk tók eftir því og minntist á það við Tom.“
Anderson var síðast í sambandi við Liam Neeson, meðleikara sinn í kvikmyndinni Naked Gun. Stjörnurnar vöktu vangaveltur um ástarsamband við kynningu á myndinni síðasta sumar. Í desember staðfesti Anderson að hún og Neeson hefðu átt „ástarsamband í stuttan tíma en aðeins eftir að við kláruðum tökur.“
Þótt ástarsambandið hafi verið skammlíft sagði hún að hún væri viss um að þau myndu áfram halda vinskap og skipta máli í lífi hvors annars.
Cruise var síðast í sambandi með leikkonunni Önnu de Armas, sem hann er sagður hafa verið saman í marga mánuði á síðasta ári. Þau slitu sambandi í október vegna þess að de Armas fannst óþægilegt hversu hratt hlutirnir voru að þróast í sambandi þeirra.
