Sigurjón Hendriksson varðstjóri Slökkviliðsins á höfuðborgarsvæðinu staðfestir þetta í samtali við fréttastofu og segir að slökkvilið hafi sent einn dælubíl á vettvang og sjúkrabíl. Um sé að ræða aftanákeyrslu á Vesturlandsvegi til austurs.
Slökkvilið sé nú á staðnum til að tryggja öryggi á vettvangi og býst hann við því að það verði þar áfram þar til bílarnir verða fjarlægðir. Hann segir umferð vera þunga upp Ártúnbrekkuna og áfram á Vesturlandsvegi til austurs.
