Fær viku til við­bótar þess að mynda stjórn - Vísir

Andreas Norlén, forseti sænska þingsins, veitti Ulf Kristersson, formanni Moderaterna og starfandi forsætisráðherra, frest til þriðjudagsins 17. nóvember til þess að reyna að mynda meirihlutastjórn sem nyti stuðnings meirihluta þingsins. Kristersson hafði óskað eftir að hann óskaði eftir lengri fresti en upphaflega átti hann að skila skýrslu sinni á föstudaginn.

Pattstaða í 58 daga

Staðan í stjórnarmyndunarviðræðum í Svíþjóð hefur verið algjörlega læst síðan í kosningunum þann 13. september. Þar missti ríkisstjórn hægri flokkanna, undir forystu Kristerssons, meirihluta sinn á þingi og fögnuðu vinstri flokkarnir sigri.

Viðræður vinstriblokkarinnar um myndun stjórnar gengu þó ekki sem skyldi. Magdalena Andersson, formaður Jafnaðarmanna, reyndi að ná flokkunum fjórum saman en það mistókst og var hún felld í atkvæðagreiðslu í þinginu þegar kosið var um hana sem forsætisráðherra.

Leiðtogar stjórnmálaflokkanna

Amanda Lind

Talsmaður Græningja.

Daniel Helldén

Talsmaður Græningja.

Ebba Busch

Formaður Kristilegra demókrata og orku- og iðnaðarráðherra.

Elisabeth Thand Ringqvist

Formaður Miðflokksins.

Jimmie Åkesson

Formaður Svíþjóðardemókrata.

Magdalena Andersson

Formaður Sósíaldemókrata.

Nooshi Dadgostar

Formaður Vinstriflokksins.

Simona Mohamsson

Formaður Frjálslynda flokksins og menntamálaráðherra.

Ulf Kristersson

Formaður Moderaterna og forsætisráðherra.

Svipaða sögu má segja af Elisabeth Thand Ringqvist, formanni Miðflokksins, sem fékk stjórnarmyndunarumboðið í hendurnar og freistaði þess að mynda miðjustjórn. Það gekk ekki og er boltinn nú í höndum Ulf Kristersson, starfandi forsætisráðherra og formanns Moderaterna.

Auknar líkur á hægri stjórn 

Miðflokkurinn hefur verið harður á að starfa ekki með fjarhægriflokki Svíþjóðardemókrata og hefur stjórnarmyndun til hægri því líka verið talin nánast ómöguleg. Um helgina tilkynntu Svíþjóðardemókratar að þeir myndu ekki gera kröfu um ráðherrastól líkt og formaðurinn hafði greint frá í kosningabaráttunni. Þetta opnar á að Miðflokkurinn snúi sér frá vinstriblokkinni og yfir til hægri, til samstarfs með Moderaterna, Frjálslyndum og Kristilegum demókrötum.

Eftir að Kristersson fékk stjórnarmyndunarumboðið í hendurnar hafa líkurnar á að hægristjórn haldi velli aukist verulega. Þá hafa veðbankar brugðist við og meta jafn líklegt að stjórn verði mynduð til hægri og til vinstri, eftir að vinstristjórn hafi verið talin mun líklegri allt frá kosningum.