Íbúi í nágrenni Dalbús segist hafa fengið minka inn á lóðina sína í dag.
Hrönn Ólína Jörundsdóttir, forstjóri Matvælastofnunar, segir að í kringum Dalsbú séu varnargirðingar sem ættu að koma í veg fyrir það að minkarnir sleppi út í umhverfið.
„Ef þeir sleppa er það alvarlegt, hvort sem er fyrir fuglalíf eða annað dýralíf. Við vonum að sem fæstir sleppi alveg út í umhverfið,“ segir hún.
Í tilkynningu frá lögreglu segir að nokkur hunduð minkar hafi sloppið úr Dalsbúi í Mosfellsdal í morgun. Ekki liggur fyrir hvernig það bar að.
