Helga Vala og Grímur aflétta kaupmála á gamalli eign
Helga Vala Helgadóttir og Grímur Atlason voru 29. júní að aflétta kaupmála af gamalli eign samkvæmt Lögbirtingablaðinu. Hjónin eiga tvö börn saman en samtals telja börnin á heimili þeirra fjögur þar sem bæði áttu barn úr fyrri samböndum.
Samband þeirra hófst í október 1999 þegar þau hittust út á lífinu. Þau hafa verið gift frá 2000 en í viðtali við Rás 2 sagði Grímur að þau hefðu bæði stundað nám við Menntaskólann í Hamrahlíð (MH) og hann hefði þekkti hana lítillega áður en upp frá þessu hafi þau fylgst að alla tíð síðan.
Hjónin hafa verið áberandi í samfélagsumræðunni og rætt um hjónabandið opinberlega.
Þegar Helga Vala stóð í ströngu í pólitík og mætti gagnrýni, skrifaði hún opinberlega á Facebook til að leiðrétta rangfærslur: „Rétt er að geta þess einnig, að gefnu tilefni, að ég er feikilega vel gift öflugum greinanda á samfélagið í nútíma- og sögulegu ljósi og er hann góður penni að auki.“
Grímur vísar oft óbeint eða beint til hennar sem einstaklega réttsýnnar og vinnusamrar manneskju, hvort sem það er á vettvangi stjórnmálanna eða í lögmennsku.
Helga Vala Helgadóttir hefur í gegnum feril sinn sem lögmaður og þingkona einkum barist fyrir mannréttindum, velferðarmálum, réttindum barna og gegnsæi í stjórnsýslunni. Hún hefur oft gagnrýnt útlendingastefnu íslenskra stjórnvalda á opinberum vettvangi og kallað hana mannfjandsamlega. Hún er hlynnt nánara samstarfi við Evrópu og situr í stjórn Evrópuhreyfingarinnar. Hún hefur gagnrýnt íslenska vaxtastigið, verðtryggingu og krónuna harðlega og tengt það m.a. við erfiða stöðu námsmanna í námslánakerfinu.
Grímur Atlason brennur fyrst og fremst fyrir hagsmunagæslu jaðarsettra hópa, bótum á geðheilbrigðiskerfinu og auknum mannréttindum í samfélaginu. Sem framkvæmdastjóri Geðhjálpar og menntaður þroskaþjálfi bendir hann iðulega á mikla innviðaskuld og fjárskort innan geðheilbrigðiskerfisins.
Fréttin hefur verið uppfærð:
Í upprunalegu fréttinni var því haldið fram að þau hafi verið að gera kaupmála en þau voru að aflétta kaupmála á gamalli eign. Beðist er velvirðingar á mistökunum.
Hvað er kaupmáli?
Allar eignir hjóna kallast annað hvort hjúskapareignir eða séreignir.
Hjúskapareignir koma almennt til helmingaskipta milli hjóna við skilnað eða andlát, en það gera séreignir hvort aðilans um sig hins vegar ekki.
Kaupmáli er samningur sem hjón eða hjónaefni geta gert sína á milli og er tilgangurinn oftast sá að gera eign að séreign annars hjóna.
Hægt er að taka fram í kaupmála að séreignir eigi til dæmis að hlíta reglum um hjúskapareign að öðru hjóna látnu eða ef hjón eignast barn saman.
Verðmæti sem koma í stað séreignar til dæmis við sölu hennar, verða einnig séreign nema annars sé getið í kaupmála.
Kaupmáli hefur ekki áhrif á möguleika skuldheimtumanna til fullnustu krafna. Skuldheimtumenn annars hjóna geta aldrei gengið að eignum hins, hvorki séreignum né hjúskapareignum.
Ákvæðum kaupmála er hægt að breyta eða fella niður með nýjum kaupmála.
