Eldi Smára stefnt vegna ummæla um ógagnreyndar meðferðir á börnum – hyggst berjast fyrir dómi

Segir málið snúast um tjáningarfrelsi

Samkvæmt Eldi snýst málið ekki einungis um ummælin sjálf heldur um rétt einstaklinga til að tjá sig um umdeild samfélagsmál. Hann telur að stefnunni sé ætlað að þagga niður gagnrýni á viðkvæmt málefni sem snýr að börnum.

Hann bendir jafnframt á að ummælin sem honum er stefnt fyrir séu frá því fyrir nærri þremur árum og heldur því fram að þau hafi ekki valdið stefnanda neinum skaða. Þá segir hann að stefnandi hafi sjálfur dreift ummælunum opinberlega.

Gagnrýnir að málið fari fyrir dómstóla

Í samtali við Nútímann segist Eldur hafa frekar kosið að ræða málið opinberlega, til dæmis í sjónvarpi, en ekki fyrir dómi.

Hann segir að almenningur geti sjálfur dregið ályktanir af því að málið fari fyrir dómstóla í stað þess að vera í opinni umræðu.

Yfirlýsing Elds í heild sinni

„Þessi stefna er birtingarmynd örvæntingar sem er að gera vart um sig hjá fylgisveinum froðufræða Judith Butler, Michel Foucault og fleiri.

Vissulega hef ég lengi haft hug á að viðra skoðanir mínar og skiptast á hugmyndum með fólki eins og Uglu Stefaníu. Ég hefði frekar kosið að gera það með moderator í sjónvarpssal á vettvangi RUV til dæmis, en við verðum víst að sætta okkur við dómsal.

Almenningur getur svo dregið sínar ályktanir hversvegna dómsalurinn varð fyrir valinu, en ekki lýðræðisleg umræða í sjónvarpssal. Svo er ég að reyna að safna í púkkið til að verja mig og þeir sem vilja styrkja mig geta gert það hér:

0777-26-080000, Kennitala 131179-4809.“

Ekki náðist í Uglu Stefaníu við vinnslu fréttarinnar.